Kryeministri Edi Rama nëpërmjet një bashkëbisedimi me gazetarët i është përgjigjur sërish sot presidentit Ilir Meta pas thirrjes që ky i fundit i bëri për të hartuar një plan masash për përballimin e situatës së Covid.
Rama thumboi Metën sërish me dekoratat kur tha se “Likja, që ka vetëm një plan si të ndajë dëshmorët në merita sporti apo votash ka mësuar një gjë”.
“Nëse vijmë tek buxheti, prej muajsh dhe sot, janë 1 mijë euro plus mbi rrogën për të gjithë mjekët që janë në strukturat mbrojtëse në vijën e zjarrit dhe stafet. 550 mjekë, 1194 epidemiologë, mblidhini bashkë me Lulin dhe do e shihni që kemi një armatë të tërë në punë 24 orë. Ca është kjo? Dhe përveç tyre është gati një rezervë.
Edhe Likja ka mësuar një gjë, s’ka plan. Likja, që ka vetëm një plan si të ndajë dëshmorët në merita sporti apo votash. Shkoni shihni autoambulancat, s’janë të Peço Vasilit, as të Tritan Kryemadhit. Janë të pajisura 100% për të sëmurët përkatës. Janë gënjeshtra kush thotë që s’ka vende. Vetëm autoambulanca, se s’janë autoambulanca për afrikanin që theu këmbën dhe mori pasaportë për 8 orë, janë paraprakisht para se të shtrohen. Shihni autoambulancat brenda.”-tha Rama.