Përderisa deputetët e LSI kanë arritur në këtë gjendje, sa të pranojnë mandatin e deputetëve për të mbijetuar, do të thotë se Mona dhe Meta nuk i respektojnë njerëzit që paguajnë dhe me të parën iu kthehet thika pas shpine.
Ish partia e tretë në vend, LSI e Metës dhe tashmë e gruas së tij, duket se nuk do të kalojë ditë të qeta. Përveçse nuk dinë si të shpëtojnë dhe justifikojnë paratë e tyre dhe vjedhjet e kryera, nuk po dinë as si t’ju mbyllin gojën njerëzve që dikur i blenë dhe tashmë po blihen nga kryeministri Rama për të mbushur karriget e parlamentit.
I fundit dhe më i bujshmi, pasi u ngjyros me të kuqe si dhe partia që përfaqëson, Ralf Gjoni solli replika dhe kundër replika mes anëtarëve të LSI. Meqë Ralfi nuk e kishte provuar shijen e kolltukut të parlamentit, nuk e patio të vështirë të vendosë që të bëhet një nga “tradhtarët”, e partisë që ka tradhtuar më shumë se të gjithë.
Deri më tani, kanë dezertuar dhe kanë marrë mandatin 11 kandidatë. Ata janë Edmond Rrushi, Aurora Mara, Enver Roshi, Ylli Shehu, Edlira Hyseni, Elda Hoti, Ediola Braho, Ralf Gjoni, Nimet Musai, Enada Koçiraj dhe e fundit Amra Borova.
Të gjithë këta pseudo deputetë pretendojnë se përfaqësojnë popullin, me një parti të papërfaqësuar. Këtë gjë nuk po e kapërdin ende drejtuesja e LSI dhe nuk gjen rast pa sulmuar,nëpërmjet të besuarve dhe të punësuarve të saj. Së fundi edhe ish deputeti Shezai Rrokaj, shprehu pakënaqësinë për lëvizjet brenda partisë së cilës i përket. “Parlamenti mbushet me njerëz pa mandat politik dhe mandati shitblihet si mjet mbijetese për disa, e kthehet në karshillëk për ca të tjerë”, thotë Rrokaj.
Përderisa deputetët e LSI kanë arritur në këtë gjendje, sa të pranojnë mandatin e deputetëve për të mbijetuar, do të thotë se Mona dhe Meta nuk i respektojnë njerëzit që paguajnë dhe me të parën iu kthehet thika para dhe pas shpine.