Gjeneral Luan Hoxha, i cili më se njëherë është ankuar në atë kohë në ambasadën amerikane në Tiranë se ka qënë nën presionin e Shkelzen Berishës për të rritur sasitë e municioneve të ushtrisë drejt Gërdecit, është “zbërthyer” në SHBA. Organet ligjzbatuese amerikane, duke filluar nga FBI kanë dosjen e plotë të Shkelzenit, ku vend kryesor përpos vrasjes së biznesmenit me shtetësi amerikane Kosta Trebicka, zë fashikulli i presionit ndaj numrit një të FA.
Jo vetëm që e ka konfirmuar për FBI-në në SHBA, por që kur ishte në Tiranë, gjeneral Luan Hoxha kishte informuar ambasadën e SHBA se e kishte kërcënuar Shkelzen Berisha, dhe për këtë nuk ndjehej i sigurtë bashkë me familjen e tij në Shqipëri. SHBA, tek frika e shpjegonte dhe refuzimin e Gjeneral Luan Hoxhës për të denoncuar Shkelzen Berishën në prokurori, por dhe kërkesën për azil politik në SHBA, që parë nga shkalla e rrezikut për jetën dhe familjen e tij, ia garantoi atë menjëherë.
Por kjo nuk e ka penguar FBI-në që ta pyesë në SHBA, Hoxhën, dëshmitarin kryesor të Gërdecit, për të gjitha detajet dhe kërcënimet që ka marrë nga djali i ish kryeministrit Berisha për biznesin e vdekjes
Shkelzen Berisha po mundohet me të gjitha mënyrat që të shmangë një padi të re që mund të vijë për shkak të përfshirjes së tij totale në biznesin e vdekjes në Gërdec dhe si shkaktar kryesor i kësaj tragjedie, ku humbën jetën 26 të pafajshëm dhe u plagosën mbi 300 të tjerë.
Duke qënë se njëri ndër dëshmitarët kryesorë, ish shefi i Shtabit të Përgjithshëm të Forcave të Armatosura në atë kohë, gjeneral Luan Hoxha, gjendet në SHBA, frika e djalit të ish kryeministrit Sali Berisha është dyfish.
Fakt është se Gjenerali, i cili më se njëherë është ankuar në atë kohë në ambasadën amerikane në Tiranë se ka qënë nën presionin e Shkelzen Berishës për të rritur sasitë e municioneve të ushtrisë drejt Gërdecit, mund të jetë “zbërthyer” në SHBA.
Madje organet ligjzbatuese amerikane, duke filluar nga FBI kanë dhe dosjen e plotë të Shkelzen Berishës, ku vend kryesor përpos vrasjes së biznesmenit me shtetësi amerikane Kosta Trebicka, zë dhe fashikulli i presionit të djalit të kryeministrit ndaj numrit një të FA.
Jo vetëm që e ka konfirmuar për FBI-në në SHBA, por që kur ishte në Tiranë, gjeneral Luan Hoxha kishte informuar ambasadën e SHBA se e kishte kërcënuar Shkelzen Berisha, dhe për këtë nuk ndjehej i sigurtë bashkë me familjen e tij në Shqipëri.
Komunikimi i Gjeneralit në ambasadën amerikane në Tiranë, u bë i ditur pas publikimit të kabllogrameve të ish ambasasdorit për DASH.
Sipas kabllogramit, ish-Shefi i Shtabit, Luan Hoxha, kërkoi një takim me ambasadorin për të diskutuar për atë që ndodhi në Gërdec. Në takimin e realizuar më 17 qershor, shefi i sapo shkarkuar i shtabit, tregoi anën e tij të historisë së Gërdecit. Ndryshe nga ish-ministri i Mbrojtjes, Fatmir Mediu, i cili ia hedh fajin e Gërdecit ushtarakëve, Hoxha deklaron se nga këndvështrimi i tij, Mediu mori të gjitha vendimet që nga zgjedhja e Gërdecit për për të shkatërruar municionet, tek çfarë lloj municionesh do të përdoreshin, në çfarë kohe dhe cili do të ishte programi.
Hoxha thotë se stafi i tij kishte për detyrë vetëm transportimin e municioneve dhe të ruanin perimetrin e jashtëm, asgjë tjetër. Ai shpjegon se Shkëlzen Berisha, djali i kryeministrit i kishte bërë presion që “të vazhdonte të dorëzonte municione të një kalibri më të lartë në Gërdec” dhe e kishte udhëruar që këtë gjë “ta kryente pa vonesa”. I pyetur nga Ambasada nëse ia kishte raportuar këtë fakt Prokurores së Përgjithshme, Hoxha u përgjigj: PO. Por zyrtarisht ai kishte dorëzuar të gjitha informacionet dhe dokumentet prokurorëve, përveç informacionit në lidhje me djalin e Berishës. Për këtë ai tha se kishte frikë të fliste
Ambasadori i shpjegoi se hetimi i prokurorisë mund të ishte i suksesshëm vetëm nëse ata që dinin gjëra, do thoshin të vërtetën. Hoxha pranoi që në interes të drejtësisë ai duhet të fliste, por nuk konfirmoi që do ta bënte një gjë të tillë. Hoxha tha se shumë të tjerë kishin dijeni për këtë informacion, por kishin frikë ta deklaronin në prokurori.
Ish kryeministri Sali Berisha sipas kabllogramit “ka nisur sulme kaq të fuqishme kundër institucioneve kushtetuese duke alarmuar komunitetin ndërkombëtar aq sa të vërë në diskutim kredencialet demokratike të Shqipërisë në një kohë kur kaq shumë gjëra janë në tavë në lidhje me NATO-n…”.
Pikërisht te frika e shpjegonin dhe refuzimin e Gjeneral Luan Hoxhës për të denoncuar Shkelzen Berishën në prokurori, por dhe kërkesën për azil politik në SHBA, që parë nga shkalla e rrezikut për jetën dhe familjen e tij, ia garantoi atë menjëherë.
Por kjo nuk e ka penguar FBI-në që ta pyesë për të gjitha detajet dhe kërcënimet që ka marrë nga djali i ish kryeministrit Berisha për biznesin e vdekjes në Gërdec./Pamfleti