Shiu nuk ndali dot marshimin e opozitës, por për pak caste mundi t’i ndalë fjalën kryedemokratit Lulzim Basha. Ndërsa fliste në përmbyllje të marshimit në selinë e PD, nën shi, mikrofoni është prishur, ndërsa kreu i opzitës mundi të dalë nga kjo situatë, duke u shprehur se shqiptarëve nuk ka cfarë t’i bëjë shiu, por mikronin e prishi. Në vijim kryedemokrati Basha theksoi edhe një herë se misioni i nisur nga opozita është një mision brezash, të cilit Rama e banda e tij e inkriminuar nuk mundet t’i bëjë dot asgjë.
“Forca e popullit të bashkuar, juve s’ka c’a t ju bëjë po mikrofonin e prishi shiu. Mikrofoni nuk është aq i fortë sa protestuesit por forca prej hekuri është po jo aq i fortë sa ju. Forca jonë është bashkimi pjesëmarrja vendosmëria e nuk i bën dot ballë as rama as banda e tij e inkriminuar.
Le të vazhdojmë rrugën që kemi nisur, është mision brezash për të gjitha ata të djathtë e të majtë që kanë kuptuar se përmes pjesëmarrjes është i liri, mund të gjejë të ardhmen e tyre dinjitetin e tyre” u shpreh kryedemokrati Lulzim Basha ndërsa në përfundim, ftoi protestuesit të mbyllin me himn kombëtar marshimin protestë të opozitës së bashkuar.