Sherr për akcizat: Zoti ministër besoj se ju e dini se vera nuk është alkool por pije alkolike?!

Një tjetër çështje që mori vëmendje sot në Komision ishte dhe sistemi i taksave vendore, dhe ku Braçe mori si shembull agroturizmin.

Braçe është ndalur taksat vendore dhe agroturizmi. Braçe i ka përmendur Ahmetajt një rast të një kantine vere në Berat.

Replikat e plota:

Braçe: Nga kongresi kemi këtë pikën këtu, pa asnjë lloj diskutimi që më pëlqejnë argumentet tuaja. E thatë me të vërtetë atë argumentin për tatimin mbi fitimin tek pijet, por në një rast të ngjashëm kemi vepruar ndryshe. Kjo lidhet thjesht dhe vetëm me produktin e prodhuar jashtë njësisë. Jo më larg se dje kam parë strukturën. Në qarkun e Beratit i bie të mos përfitojnë. Agro-turizmi për një arsye të thjeshtë, sepse ajo është një kantinë.

Ahmetaj: kryetar unë nuk bie dakord me ju, për dy arsye. Është shumë e vështirë të kontrollosh agro-turizmin siç kontrollohen hotelet. Mos ta cënojmë shëndetshmërinë fiskale me emocione. Jemi mirë.

Braçe:Zoti ministër besoj se ju e dini se vera nuk është alkool por pije alkoolike. Më pëlqen pasioni juaj…

Ahmetaj: Unë jam pasionant për punën që bëj

Por Braçe nuk ka ndaluar dhe i është drejtuar ministrit të Bujqësisë Peleshi

Niko, saktësoni çfarë është “pije”

Pas përfundimit të diskutimeve, Braçe iu ka kërkuar deputetëve socialistë që të saktësojnë termin ‘pije’. Braçe ka thënë se duhet të riformulohet një pikë e këtij projektligji, për të ndarë pijet alkoolike të taksueshme nga lëngjet që mund të prodhohen në një kantinë.Braçe: Për ta mbyllur se e shoh që s’ka mirëkuptim votoni variantin e qeverisë. Ndërkohë zoti Nikon a duhet të saktësojmë çfarë është pije, pasi ka të drejtë zonja Gjylameti, lëngu i thanës nuk është pije. S’quhet pije alkoolike, kemi 3 festa rakie, iku rakia u taksua. Të paktën të mos cënojmë pjesët e tjera. Na duhet një definim i qartë i kësaj pjese. I unifikuar është kjo. Për nevoja të unifikimit do doja që të saktësoja formulimin e pikës 4 që i shtohet projektligjit. Duhet ta saktësoni çfarë është pije. Unë do e bëj propozimin në Kuvend.