Kryeministri i Kosovës, Ramush Haradinaj në një postim në rrjetet sociale i është kundërpërgjigjur kryeministres së Serbisë, Ana Brnabiç, e cila tha se Beogradi është i gatshëm dhe do të vijojë me dialogun vetëm kur Prishtina të heqë taksën.
Në shkrimin e tij, Haradinaj ka thënë se derisa Serbia vazhdon të veprojë kundër Kosovës, taksa prej 100% ndaj produkteve serbe nuk do të shfuqizohet.
“Sa i përket taksës është e drejtë e jona dhe e mbrojmë sigurinë tonë.”-ka shkrua Kryeministri i Kosovës.
Kreu i qeverisë kosovare deklaroi se Brnabiç i kishte bërë thirrje Shqipërisë që të rishqyrtoj njohjen e pavarësisë së Kosovës dhe kjo gjë nuk mund të tolerohet.
“Kryeministrja e Serbisë, Bërnabiq vazhdon me letra për qeveri të ndryshme dhe nuk i ka ardhë marrë të ia dërgojë një letër edhe kryeministrit të Shqipërisë, Edi Rama, për ta kërkuar tërheqjen e njohjes. Pra përderisa Serbia ka këtë lloj qasje, atëherë kuptohet shumë mirë se për çfarë kemi vepruar ne”.-mbylli postimin në rrjetet sociale ai.