Ish-ministri Leonard Solis, është shprehur në televizionin e familjes Berisha, se “as unë e as shqiptarët nuk e besojnë se Berisha është armik i SHBA-së”.
Sipas tij PS është bërë një klan i rrezikshëm dhe se në këtë fushë të eliminimeve politike po i mbështet fuqishëm Alex Soros.
“Partia Socialiste është bërë një klan dhe Sorosi po ndikon jashtëzakonisht.
Unë gjithçka mund të besoj, por që Berisha është armik i SHBA nuk ka shqiptar që e han këtë.
Ai ka qenë mik i familjes Bush, edhe i Amerikës dhe ka bërë hapa të mëdha përpara me futjen në NATO dhe liberalizimi i vizave po tani po ta vunë gishtin këta, i thonë Alex Sorosit dhe ai ja ka marrë dorën gishtave.”
Solis ka theksuar se PS duhet të bjerë nga pushteti sepse nuk ka se çfarë t’i japin më Shqipërisë dhe vetëm të këqija po i sjellin.
“Duhet një klasë e re politike, klasa e re nuk bëhet me emërime. Klasa politike bëhet duke stabilizuar mekanizma, duke ndryshuar kodin zgjedhor dhe duke bërë mekanizma, duke nxjerr identitete të konkurrojnë dhe ti japin mundësinë popullit të zgjedhin në Shqipëri, të rikthehet sistemi zgjedhor.
Uroj që të bjerë PS nga pushteti sepse ka arritur një pikë ku nuk mban më, sepse Rama është i papërgjegjshëm. Në krye të diplomacisë shqiptarë me gjithë këto persona të emërojë dikë që nuk ka lidhje me politikën shqiptare, ose ministrja e arsimit nuk është kthyer ndonjëherë në Shqipëri.
Ky bën gjëra të pabëshme dhe vetëm gjëra të çuditshme dhe vetëm atletet me drita të fëmijëve nuk ka veshur më. Rama nuk ka se çfarë i jep vendit më dhe vetëm të këqija po ndodhin.”