Situata nga pandemia e koronavirusit në botë vijon të jetë shqetësuese me infektime të larta ditore. Në 24 orët e fundit në botë sipas OBSH-së janë regjistruar me COVID-19 259.848 raste të reja me koronavirus. Kjo është shifra më e lartë ditore që prej nisjes së pandemisë.
Ndërsa viktimat në 24 orë janë 7.360, rritja më e madhe ditore që nga 10 maji. Rritjen më të lartë e ka SHBA me 60.207 raste të reja në 24 orë dhe 832 të vdekur.
Pas SHBA numrin e të infektuarve më të lartë në 24 orë e ka Brazili, pastaj India, Afrika e Jugut e etj. Deri tani në botë janë infektuar me COVID-19 14,288,898 persona nga të cilët kanë vdekur 602,138./BalkanWeb