Pavarësisht se presidenti anuloi datën e zgjedhjeve lokale të 30 Qershorit, PS-ja vijon fushatën duke u shprehur e vendosur se zgjedhjet do të bëhen në këtë datë.
Kryeministri Edi Rama pasditen e sotme ndodhet në Divjakë pavarësisht se socialistës festojnë sot themelimin e PS. Rama tha se ai ka refuzuar ftesën për të festuar në Tiranë.
“Sot në mëngjes më thanë që kishin organizuar një takim të madh në Tiranë për ditëlindjen e PS-së dhe më kërkuan që të isha aty, unë u thashë nuk ka vend më të mirë për të festuar sesa me Erjon Braçen në Divjakë.
Dhe natyrisht për shkak të Erionit që është një simbol i socialistëve dhe për shkak të një fakti tjetër shumë, që falë Erionit dhe Fredit dhe punës së bërë.
Edhe për faktin se Erjoni nuk është tifoz jo vetëm i Juves, por edhe Partizanit duke krijuar një skuadër model.
Është kënaqësi të vish këtu për të kërkuar një mandat të ri për bashkinë dhe për të kërkuar edhe mbështetje më të madhe se katër vite më parë se flet puna” tha ai.
Nesër pritet të ketë një diskutim të gjatë në Kuvend për vendimin nul të Ilir Metës për shtyrjen e zgjedhjve.