Që prej ditës së djeshme, kryeministri i vendit Edi Rama ndodhet për një vizitë në Emiratet e Bashkuara Arabe. Ai është pritur sot nga mbreti Salman ibn Abdulaziz Al Saudi, ndërsa pas drekës zyrtare u deklarua nënshkrimi i disa marrëveshje të rëndësishme bashkëpunimi. Po ashtu kryeministri është takuar edhe me Shefin e Fondit Saudit të Zhvillimit, për programin e projekteve të propozuara prej nesh në ekonomi, turizëm, arsim dhe trashëgimi kulturore.
Në një postim të pak minutave më parë kryeministri i ka jetësuar në foto të gjitha takimet, madje shprehet shpresëplotë për çeljen e një kapitulli të ri bashkëpunimi me Arabinë Saudite.
“Ekonomi, turizëm, trashëgimi kulturore dhe plane të përbashkëta investimesh, me vullnetin e çeljes së një kapitulli të ri bashkëpunimi mes dy vendeve”, shkruan ai përkrah kolazhit me foto.
