Kryeministri Edi Rama në konferencën e fundvitit u ndal tek shifrat e publikuara për ekonominë shqiptare në vitin 2018.
Ndër të tjera, Rama vuri theksin edhe tek rritja e eksporteve, si një tregues që flet për një ekonomi të shëndetshme dhe të fortë.
“Shifra e eksporteve është 30% më shumë se 5 vjet më parë, ndryshe nga e shkuara jo shumë e largët, kur rritja ekonomike, e vështirë dhe e lidhur me mungesën e kapaciteteve për të përballuar goditjen e krizës financiare, përkthehej me humbje të vendeve të punës”, theksoi Kryeministri.