Kryeministri Rama është pyetur nga gazetarët për arsyen pse ai nuk jep dorëheqjen për t’i dhënë zgjidhje ngërçit politik.
Ai ka thënë se ka kontratë me qytetarët dhe është mandatuar nga ata për këtë arsye nuk mund të dorëhiqet.
“Kryeministri, i dashur si institucion nuk është kapiteni i një skuadre me porta të vogla, është i mandatuar dhe ka një kontratë që nuk mund ta prishë sepse mbanë përgjegjësi me ata që e kanë mandatuar.
Nuk jemi në kushte karshillëku por përgjegjësi, dhe nuk funksionon me shprehjen hapi rrugë budallait sepse bëhet fjalë për jetën e vendit.
Ndryshe, sot ju thosha hajde t’ju jap kafe a çaj a raki se po iki. Por s’jam këtu për ato aspekte, por për disa arsye të tjera shumë të forta, që lidhen me arsyen se përse jam ky jam”, tha Rama.
Kryeministri ka thënë më tej se arsyeja pse opozita po tenton ta rrëzojë me forcë dhe jo me zgjedhje është pikërisht sepse ata sipas tij nuk e mundin dot.