Kryeministri Edi Rama është revoltuar me banorët e prekur nga tërmeti në Kombinat, pasi këta të fundit nuk pranojnë të shkojnë në qendrat sociale.
Banorët të frikësuar janë shprehur të gjithë njëherazi se pallatet e tyre e shtëpitë janë dëmtuar dhe kanë frikë të futen brenda.
Gjatë këtij momenti mes Ramës dhe banorëve dhe Ramës është krijuar një debat, aq sa kryeministri nuk është përmbajtur dot.Rama ka deklaruar se nuk ka ardhur nga hëna dhe si ata ka edhe ai njerëz dhe familje.
‘Më doli shpirti, nuk kam fuqi. Të lutem nuk kam fuqi, u çmenda. Atëherë është e para dhe mos e harroni, jeni mirë dhe këtë mos e harroni. 22 veta i kemi çuar… Unë nuk kam ardh nga hëna këtu kam qënë, edhe unë kam njerëz të familjes time. Ti do vish me mua tani dhe do shkosh tek qendra sociale. Unë nuk ndaloj njëri, nëse do të rrish në shi rri. Unë po të them që në qoftë se do përveç bukës, do të ofroj edhe një dyshek’, tha Rama.
Pas disa minutash, Rama ka arritur t’i qetësojë duke iu thënë se sot do të bëhet analiza me inxhinierët dhe se mund të strehohen në qendra sociale.
“Na lini të bëjmë analizën me inxhinierët, bën pallati nuk bën pallati. Më lini të mbaroj se do iki tek të tjerët që janë më keq se ju. Do thonë specialistët bën apo nuk bën pallati nga ai moment fillon pjesa tjetër. Ne po merremi me të gjitha alternativat. Qendrat sociale janë të përkohshme. Mos më vdisni para kohe se pastaj nuk ua zgjidh njeri këto punë. T’i marrim gjërat me radhë. Në qoftë se na lini me durim dhe qetësi do të bëhen gjërat më mirë dhe ne do jemi të fokusuar. jam shumë mirëkuptues për stresin e hallin. Të rrish në shi, të rrish në makinë, e kuptoj ankthin.Unë nuk lëviz nga pallati, ra nuk ra. Është e shkruar. Varet si është. Ne do bëjmë tonën, aksidenteve nuk kemi çfarë t’u bëjmë”, iu tha Rama banorëve.