Qytetarë cilin nga këto të katër i'u ka zgjedhur ju, se Rama ka zgjedhur krimin... e pa bërë?!

Sot, mbas dështimit dhe shfryrjes së tollumbacave të opzitës copa copa, liderve nuk u mbeti gjë, përveçse të jepnin një shfaqje tjetër, për aksionin e tyre opozitar, që sipas tyre do vazhdoi nën udhë heqjen e Kryemadhit, Bashës, Mediut dhe Nard Ndokë . Seriozisht e kanë, apo po gënjejnë veten këto lider klloun, se ato përfaqësojnë shqiptarët?! Vërtet janë aq të guximshëm, nga që i kanë shpëtuar ndëshkimit të pretendojnë se janë morali i politikës dhe njerëzit që kanë zgjedhur shqiptarë,t pavarësisht se kurrë nuk i kanë votuar. Fjalime idioteske të këtij klasi, vetëm këto palaço mund të bëjnë në sy të shqiparëve. Ndërsa kanë me vite që pengojnë negociata, vazhdojnë të gënjejnë se gjoja nuk do e bojkotojnë parlamenti për të mos “bllokuar negociatat” .

Kaq budallenj janë kur na mendojnë ne, në të njenjtin nivel me ta dhe nuk e kuptojmë, se ato e kanë bojkotuar parlamentin prej kohësh dhe shkojnë aty, thjeshtë për të dhënë shfaqje në FB, për anormalitetin e Shqipërisë në sy të fakorit ndërkombëtar.

Parlamenti është bojkotuar, për të bokjkotuar reformën në drejtësi, por ato e dinë mirë se pjesëmarrja e tyre nuk ka asnjë rëndësi, sepse qeveria ka shumicën e vetme. Ndaj sot nuk bënë gjë tjetër vetëm se dhanë një tjetër shfaqje të katandisjes së tyre në këtë derexhe.

Dy njerëz të akuzuar, deri për krimin e vrasjes në masë dhe të pa hetuar , një ronxhobonxho që e ka të domosdoshëm estrada e opozitës, për të na bërë të qeshim dhe një nga njerëzit më të korruptuar dhe të diskretituar në opinonin publik të Shqipërisë, bashkë me bashkëshortin e saj, që akuzohen për miliona të vjedhura dhe grabitura, qënkan zgjedhur nga shqiptarë?! Nëse ka shqiptarë qe i ka zgjedhur athere ne duhet jemi ufo që i demaskojmë.

Ja fjalimi i tyre që i ngjanë recitimit të papagallit të trullosur:Deklaratë e plotë e opozitës së bashkuar:

Opozita e bashkuar shpreh mirënjohjen dhe respektin e thellë për të gjithë qytetarët që protestuan me dinjitet dhe atdhetari kundër krimit, drogës, korrupsionit dhe qeverisë së kapur prej tyre, si dhe për qindra mijëra të tjerë që mbështetën protestën në çdo anë të Shqipërisë.

Ata dëshmuan vlerat europiane të popullit tonë përballë qeverisë së lidhur me krimin dhe trafikun e drogës, dëshmuan qytetarinë e popullit tonë përballë harbutërisë së qeverisë.

Ata bënë të qartë se shqiptarët nuk pajtohen me krimin dhe drogën dhe, mbi të gjitha, nuk mund të tolerojnë një qeveri të kapur nga krimi.

Qëndrimi i opozitës dhe qytetarëve të bashkuar kundër krimit dhe drogës për një Shqipëri Europiane është i vendosur dhe i pakapërcyeshëm:

Fatmir Xhafaj duhet të largohet nga Ministër i Brendshëm dhe t’i hapë rrugën një hetimi të pavarur dhe të pandikuar nga pushteti që ai mban sot.

Policia e Shtetit duhet të çlirohet nga kapja prej klanit Xhafaj, i cili zëvendësoi klanin Tahiri-Habilaj, duke vazhduar të mbrojë krimin dhe trafikun ndërkombëtar të drogës.

Edi Rama po vazhdon në mënyrë kriminale mbrojtjen me mekanizma mafiozë presioni dhe manipulimi të Fatmir Xhafajt.

Largimi dhe hetimi i tij dhe vëllait të tij sipas Ligjit Antimafia, si dhe ndalja e kërcënimeve dhe presioneve kriminale të Edi Ramës ndaj prokurorëve dhe gjyqtarëve në procesin ndaj Saimir Tahirit dhe figurave të larta qeveritare, që janë nën hetim për lidhje me krimin dhe korrupsion, janë kushte të pakalueshme për integrimin Europian të Shqipërisë.

Lufta kundër krimit dhe drogës është kushti kryesor i hapjes së negociatave me Bashkimin Europian.

Qeveria e Edi Ramës e lidhur me krimin dhe drogën po e mban Shqipërinë peng, të izoluar nga Europa dhe në varfëri e mjerim.

Ne nuk do të pranojmë dhe nuk do të lejojmë kurrë që e ardhmja e shqiptarëve të sakrifikohet për Fatmir Xhafajn, Saimir Tahirin dhe Edi Ramën.

Edi Rama ka zgjedhur krimin dhe i ka dalë zot krimit. Opozita ka zgjedhur shqiptarët dhe do t’u dalë zot shqiptarëve dhe aspiratës tonë kombëtare për Shqipërinë si gjithë Europa./ Ekskluzive.al

Qytetarë cilin nga këto të katër i’u ka zgjedhur ju, se Rama ka zgjedhur krimin… e pa bërë?!