Anija “Humanity1”, me 179 persona në bord, e cila ka mbetur në det të hapur është në pritje të vendimit për zbarkim në brigjet italiane.
Ndërkohë, 456 emigrantë kanë zbritur në brigjet italiane në Crotone të Kalabrisë.
Varka, si fillim, u pa të mërkurën e 2 nëntorit nga një helikopter i policisë financiare italiane “Guardia di Finanza”, të cilët më pas i ndihmuan dhe lejuan emigrantët të mbërrinin në Kalabri.
Emigrantët, të cilët ndodheshin në bordin e një varke peshkimi nisur nga Libia, arritën të zbarkonin me sukses në brigjet italiane.
Pas kërkesës së Ministrisë së Jashtme italiane dy ditë më parë për të marrë listën e personave që gjendeshin në bord, u pasua me vendimin që të zbarkohen vetëm gratë dhe fëmijët.
Ky vendim u mor në marrëveshje me Ministrinë e Brendshme italiane.
Duket e vështirë që anija të lihet në det të hapur pa e lejuar të zbarkojë, por qëllimi i qeverisë italiane është qartësisht të fitojë kohë.
Është një model i parë tashmë në të kaluarën kur ish-ministri i Brendshëm, Matteo Salvini, ndaloi mbërritjet e anijeve të emigrantëve në Itali, për të dekurajuar largimet nga Afrika e Veriut.
Qendra e djathtë italiane e kishte bërë të qartë gjatë fushatës zgjedhore dhe pas formimit të qeverisë se ata do të luftonin emigracionin e paligjshëm.
Për këtë arsye, javën e kaluar ministri i Brendshëm italian, Matteo Piantedosi, i cili sapo ka marrë detyrën, lëshoi një direktivë ndaj ambasadës së Norvegjisë dhe Gjermanisë, shtetet të cilave i përkasin dy anijet që mbartin emigrantët.
Sipas tij, Ministria e Punëve të Jashtme konstatoi se dy anijet “Ocean Viking” dhe “Humanity1”, të cilat po lundrojnë në Mesdhe, nuk janë “në përputhje me frymën e rregulloreve evropiane dhe italiane për sigurinë dhe kontrollin e kufijve dhe për të luftuar imigracionin e paligjshëm”.
Ekuipazhi i anijes “Humanity1” bëri të ditur se ata kishin dërguar 17 kërkesa të pasuksesshme në Maltë dhe Itali për zbarkimin e tyre.
Tashmë ata kanë nisur një apel të ri.
Dje, Piantedosi mori pjesë në një video konferencë në mbledhjen e grupit “MED5”, ku përveç Italisë bëjnë pjesë edhe Qiproja, Greqia, Malta dhe Spanja.
Vendimi përfundimtar parashikon përpunimin e një ndryshimi strategjie që duhet të arrihet duke forcuar kanalet e rregullta të hyrjes në zonën e Bashkimin Evropian (BE).
Një qasje e cila synon të luftojë kontrabandën e emigrantëve, duke reduktuar mbytjet e anijeve si dhe fitimet kriminale.
E njëjta kërkesë ishte paraqitur në muajt e fundit në BE, por nuk ka qenë e suksesshme deri më tani.
Nëse Italia mirëpret anijen humanitare, Franca do të marrë një pjesë të emigrantëve, Norvegjia thotë shpëtimi i takon Romës