Presidenti rus, Vladimir Putin ka paralajmëruar udhëheqësit e biznesit në vend, se do të ketë kufizime në ekonomi. Putin ka shtuar se do të marrë të gjitha masat e nevojshme, duke nisur me një ofensivë ushtarake në gjerë kundër Ukrainës.
“Ajo që doja të them së pari – gjëja më e rëndësishme, kështu që të gjithë e kuptoni – ajo që po ndodh ishte një masë e nevojshme. Ata nuk na lanë asnjë shans për të vepruar ndryshe. Ata krijuan rreziqe të tilla në sferën e sigurisë sa ishte e pamundur të reagonim në një mënyrë tjetër. Të gjitha përpjekjet tona dolën në zero. […] Ata krijuan rreziqe të tilla sa është e vështirë të kuptosh se si mund të kishte vazhduar të ekzistonte vendi ynë.”
Udhëheqësit e SHBA-së dhe Perëndimit kanë premtuar sanksione të ashpra, me ministrin e Jashtëm ukrainas Dmytro Kuleba që i kërkon Perëndimit të ndalojë Rusinë nga sistemi i pagesave ndërkombëtare SWIFT . Putin vuri në dukje se Rusia mbeti pjesë e sistemit ekonomik global, por paralajmëroi për “kufizime” të mëtejshme ndaj ekonomisë ruse dhe bëri thirrje që biznesi të punojë “në solidaritet” me qeverinë.
“Më duket se partnerët tanë duhet ta kuptojnë këtë dhe të mos i vendosin vetes detyrën për të na larguar nga ky sistem”, tha Putin. “Megjithatë, për arsye politike, këto kufizime do të ndodhin”.
Sakaq, vlen të përmendet se Presidenti i SHBA Joe Biden do të shpallë sanksione të tjera ndaj Rusisë në orën e ardhshme.