Një gazetar është vrarë në shtetin e Veracruz në Meksikën lindore, sipas raporteve në mediat lokale.
Leobardo Vazquez Atzin, 42 vjeç, u qëllua për vdekje të mërkurën mbrëma në shtëpinë e tij në gjendje abuzimi me drogën, duke shtuar se personat e dyshuar u larguan nga skena me një motor.
Gazetari i vrarë drejtoi një ueb faqe të lajmeve në gjuhën spanjolle, Enlace Informativo Regional, që mbulonte ngjarjet e kriminalitetit dhe korrupsionit lokal rreth komunës së Guiterrez Zamorës.
Gazeta meksikane, SinEmbargo, raportoi se Vasquez ishte kërcënuar para vrasjes së tij – pasi kishte kërkuar ndihmë dhe mbrojtje.
Vazquez është gazetari i katërt që u vra gjatë këtij viti. Në janar Jose Gerardo Martinez u qëllua në një lagje të Meksikos në janar dhe Carlos Dominguez u godit me thikë 21 herë në shtetin e Tamaulipas. Pamika Montegro u qëllua për vdekje në një vendpushim në plazh në Acapulco në shkurt.
Meksika ishte vendi më i rrezikshëm për të qenë gazetar në 2017, përpara Irakut dhe Sirisë, me 14 vdekje, sipas Institutit Ndërkombëtar të Shtypit.
Të paktën 22 gazetarë janë vrarë në shtetin e Veracruz në shtatë vitet e fundit, sipas gazetës meksikane El Universal.
“Kur gazetarët mbulojnë tema që lidhen me krimin e organizuar ose me korrupsionin politik (veçanërisht në nivel lokal), ato menjëherë bëhen objektiva dhe shpesh ekzekutohen me gjakë të ftohtë,” thanë reporterët pa kufij (RSF).