Politikanët duket se nuk duan ta humbasin pushtetin dhe kërkojnë që këtë pushtet tia kalojnë fëmijëve të tyre. Nepotizmi është një nga fenomenet më të shëmtuara në vendin tonë. Fëmijët dhe familjarët e politikanëve kanë zënë vendet më të mira në administratë ku prej vitiesh punojnë aty. Edhe pse ndryshojnë qeveritë, ata nuk largohen nga vendi i tyre i punës.
Ata akuzojnë njëri-tjetrin për emërime dhe punësime nepotike të militantëve partiakë, por jo në pak raste, janë vetë familjarët e politikanëve, ata që përfitojnë vendet më të mira të administratës dhe e kanë më të thjeshtë për të gjetur një vend pune.
Sipas të dhënave rezulton se shumica e deputetëve dhe ministrave, i kanë punësuar fëmijët e tyre burrat ose gratë e në raste të tjera edhe dhëndurët në punë në shtet, në institucione të rëndësisë së lartë. Shumica e fëmijëve të politikanëve preferojnë të punojnë pranë Bankës së Shqipërisë.
Anastas Angjeli, djalin tek Ministria e Integrimit
Arben Imami, bashkëshortja tek Universiteti i Arteve
Arben Ristani, bashkëshortja tek Universiteti i Tiranës
Astrit Patozi, bashkëshortja në KLSH
Bashkim Fino, djalin tek ANTA
Bedri Mihaj, bashkëshorten dhe djalin tek Spitali i Traumës
Eglantina Gjermeni, bashkëshorti tek Banka e Shqipërisë
Ermonela Felaj, bashkëshorti tek Prokuroria e Krimeve të Rënda
Fatmir Mediu, bashkëshortja tek Ministria e Energjisë dhe Industrisë
Flamur Noka, bashkëshortja tek Fakulteti i Shkencave të Natyrës
Gjergji Papa, vajza tek Fakulteti i Shkencave të Natyrës
Paulin Stërkaj, djali në QSUT
Sali Berisha, vajza tek Fakulteti i Drejtësisë
Sali Berisha, kunata, Banka e Shqipërisë
Valentina Leskaj, djali tek Bashkia Elbasan
Vasilika Hysi, bashkëshorti tek Drejtoria e Përgjithshme të Shërbimit të Provës dhe vajza tek Fakulteti i Drejtësisë.
Lindita Nikolla, bashkëshorti Dekan, FSHN
Lindita Nikolla, e bija, specialiste në Departamentin e Stabilitetit Financiar në Bankën e Shqipërisë
Ridvan Bode, e bija, Banka e Shqipërisë
Ylli Manjani, motra, Banka e Shqipërisë
Jozefina Topalli, e bija, Banka e Shqipërisë
Odeta Nishani, Ministria e Kulturës
Nasip Naço, gruaja, Drejtoria Rajonale e Punës Tiranë