Ministrja e Infrastrukturës, dhe Energjitikës, Belinda Balluku nga aeroporti i Kukësit tha se ky aeroport është operacional.
Sipas Ballukut që nga sot do të nisin të gjitha teste me kompanitë ajrore. Po ashtu Balluku tha se në datën 17 qershor aeroporti i Kukësit do të jetë totalisht i përdorëshëm nga të gjitha kompanitë.
Balluku ka sqaruar nga Kukësi se pse avioni i cili erdhi nga Londra u ul fillimisht në Rinas.
Balluku thotë se Shqipëria respekton rregullat, dhe thotë se momentalisht aeroporti është operacional.
‘’Këtu ta keni, në aviacion ka rregulla. Rregulla, rregullore europiane dhë mbraëkombëtare. Shqipëria është vend që hedh hapa çdo ditë e më shumë për tu bërë anëtar i BE. I rrespektojmë rregullat në fuqi.
Çështë më e rëndësishmja, ta bëjmë tërheqës aeroportin e Kukësit. DO ketë pasagjerë nga Kosova, Maqedona, Mali i Zi e kudo. Do kthehet në pikë.
Aeroporti i Kukësit do jetë aeroport totalist i përdorshëm nga të gjitha kompanitë. Kush do ketë pyetje, po jua jap tani përgjigjen. Është aeroport operacional, ndërkohë nga ky moment i lihet në dorë koncesinarit për të vijuar me kompanitë. Nga këtu do fluturohet për Gjermani, Britani, Zvicër, në qytete që nuk fluturohen as drejt Tiranës. Gjeneza e një historie të re të aviacionit.’’-tha Balluku.