Ambasadorja e Shteteve të Bashkuara të Amerikës në Tiranë, Yuri Kim, që në orët e para të mëngjesit ka dalë me një reagim të fortë në faqen zyrtare.
Diplomatja ka bërë thirrje në lidhje kreu i SPAK që sipas saj nuk duhet të zgjidhet nga ata që manipulojnë hetimet.
“Zgjedhja e kreut të SPAK nuk duhet të ndikohet nga ata që kanë interes të manipulojnë hetimet”, shkruan ndër të tjera Kim.
Yuri Kim shkruan: Javën e fundit jemi takuar me çdo anëtar të Këshillit të Lartë të Prokurorisë (KLP) për të nënvizuar rëndësinë e zgjedhjes së një shefi të ri të SPAK-ut, i cili – pa frikë dhe favore – do të intensifikojë luftën kundër korrupsionit dhe krimit të organizuar.
Procesi i përzgjedhjes nuk duhet të ndikohet nga ata që kanë interes për të kufizuar ose manipuluar hetimet. Ky është thelbi i reformës në drejtësi: drejtësia duhet të jetë e verbër ndaj pushtetit, prokurorët dhe gjyqtarët duhet të jenë të gjithë të barabartë përpara ligjit, institucionet duhet të jenë të pavarura.
Reforma në drejtësi nuk është vetëm një kërkesë për anëtarësimin në BE; është kërkesa e drejtë e popullit shqiptar. SHBA do të qëndrojë gjithmonë me popullin e Shqipërisë. Ne do të vazhdojmë të mbështesim me vendosmëri zbatimin e reformës në drejtësi. Kjo nuk do të ndryshojë. Ne do të monitorojmë nga afër procesin e përzgjedhjes së SPAK-ut për të siguruar që reforma në drejtësi të ecë përpara.