Në Ditën Ndërkombëtare të Klandestinëve, krye-mëkatari Ilir Metaj, që ka vjedhur 20% të pasurisë kombëtare me krime ekonomike e njerëzore, një nga shkatërruesit e Shqipërisë, të vrasjes së shpresës tek të rinjtë dhe i ikjes masive të shqiptarëve, guxon e përshëndet, duke përdorur lutjet e Zotit, të cilit, i ka zaptuar e shkretuar tokat e shenjta, me gurore
Sa herë që Presidenti Ilir R. Metaj, në festa e ditë të veçanta, del uron e premton me “gjuhë dhelpre”, se gjoja, “ai, gruaja e tij dhe mbarë politika, po punon e duhet të punojnë më shumë, për mirëqenien e popullit”, aq herë shqiptarët, i vërsulen me akuza e fjalorë rruge “në shtatë breza”, për shkak, se fjalët e tij, janë hipokrizi e mashtrime, mbasi ai, është një nga shkaktarët e krizës, ku është zhytur Shqipëria.
Këtë hipokrizi, presidenti “sheik” me miliarda krimi, Ilir Metaj, e manifestoi edhe pardje, në Ditën Ndërkombëtare të Klandestinëve, duke u thënë shqiptarëve: – Mos u largoni nga vendi, mbasi politika ka punuar e do të punojë më shumë, për punësimin dhe edukimin e brezit të ri”.
Duke qenë, se këto citate paçavure e të dala boje, ky “kapobandë” krimi e korrupsioni, ka 28 vite që i pësërit bashkë me gruan dhe “mbetjet morale” në krye të PD e PS, këtë herë, Ilir Metaj nuk tha asnjë fjalë të tij, por përdori thirrjen e Papa Franceskut, drejtuar të rinjëve emigrantë, që braktisin e vendet e tyre, për shkak të regjimeve e politikave kriminale, korruptive, denigurese e varfëruese, siç është regjimi Berisha, Rama, Metaj, Basha, Kryemadhi.
Mirëpo shqiptarët, nuk besojnë më askënd, sepse prej 28 vitesh, janë të njëjtët surretër politikë e shtetërorë, që u kanë krijuar realitete të hidhura e të rënda, sidomos, kur në vend të ndërtimit të vendit, po përjetojnë shkatërrimin e tij.
Shqiptarët po ikin e do të ikin masivisht, mbasi në vend të mirëqenies, po përjetojnë varfërinë ekstreme, në një shtet, ku paga e shkencëtarit, policit, mësuesit, minatorit, naftëtarit e infermierit është sa 10% pagës së deputetit, ndërsa pensionet sa 3% tyre.
Shqiptarët, nuk mund të qëndrojnë në një vend, me pushtet, shtet e politikë, që nuk u vlerëson aftësitë e kontributet, por i shpërfill e i denigron, mbasi zyrat e shtetit, i mbushin me familjarë e militantë partiakë
Shqiptarët, nuk kanë më asnjë motiv, përse të qëndrojnë akoma, në Shqipërinë e padrejtësisë sociale e ligjore, të kthyer në “çiflik”, të klikës së pasanikëve politiko-mafiozë, ku pjesë kryesore është Ilir Metaj.
Ja thirrja hipoktrike që bëri “Sheiku” i botës së krimit, Ilir R. Metaj
– “Sot në Ditën Ndërkombëtare të Emigrantëve, dua të risjell edhe njëherë në vëmendje porosinë e veçantë të Papa Franceskut, që të gjithë së bashku duhet të bëjmë çmos që Shqipëria të mos pësojë “dimrin demografik” të Europës. Me përkujdesje, përkushtim dhe vëmendje maksimale në edukimin, arsimimin dhe krijimin e mundësive më të mira për të rinjtë, të frenojmë largimin e tyre dhe t’ju mundësojmë ndërtimin e një të ardhmeje të sigurtë e të qëndrueshme në Shqipëri”.
Krahasimi/Ja vetëm pagat dhe pensionet e klikës së regjimitm, ja pagat dhe pensionet e popullit
Paga mujore e Kryeministrit: 220 mijë lekë në muaj
Paga mujore e Kryetarit Kuvendit: 230 mijë lekë në muaj
Paga mujore e Zv/kryeministrit: 200 mijë lekë në muaj
Paga mujore e Deputeti: 156 mijë e 750 lekë
Paga mujore e Ministri: 156 mijë lekë në muaj
Paga mujore e deputetit: 156 mijë e 750 lekë (4 ditë punë në muaj).
Paga mujore e Prefektit: 118 mijë e 500 lekë
Paga mujore e Kryetarit Qarkut: 133 mijë lekë
Pensioni mujor për shtetarët: 1000-1400 USD
Paga minimale për popullin: 24 mijë lekë
Pensioni minimal për popullin: 14 mijë e 350 lekë
Pensioni maksimal për popullin: 24 mijë e 548 lekë
Pensioni në fshat: 12 mijë e 866 lekë
Pensioni invaliditetit: 10 mijë e 750 lekë