Familja Berisha, një ndër më të korruptuarat në vend (është e vështirë ta ndash kush ka vjedhur më shumë, familja Berisha apo familja Meta, ndaj dhe themi një ndër më të korruptuarat), i ka shpallur luftë gjithë botës.
Së fundmi, edhe vetë agjencisë së madhe të lajmeve “Reuters”, pse ka guxuar dhe ka shkruar që Sali Berisha është i pandehur për çështjen “Partizani”.
Sipas një shkrimi të publikuar me portalin e familjes Berisha me një pseudonim, gazetarët e “Reuters” paguhen nga Edi Rama.
“Ndërsa në Shqipëri ka ndërmarrë një sulm brutal dhe mafiokratik istanbulavcilarescort.com; avcilar escort bayanlar undër kreut të opozitës, jashtë territorit të saj, Edi Rama përpiqet përmes zaroshëve që ka arritur të punësojë si korrespondentë në agjenci dhe media të huaja të mashtrojë e manipulojë opinionin ndërkombëtar, duke paraqitur një narrativë të gënjeshtërt në lidhje me arrestimin e Sali Berishës që pritet sot.
Shkrimi i Fatos Bytyçit dhe Florion Gogas, i korrektuar nga Mark Heinrich dhe botuar më 21/12/2023 në uebsajtin e Reuters është vetëm ajo që arrita të shoh unë, ndërkohë që nuk përjashtohet aspak mundësia që gangrena e keqinformimit në lidhje me arrestimin e kreut të opozitës të shtrihet edhe në agjencitë dhe mediat e tjera.
Në raportimin e votimit në parlament për heqjen e imunitetit dhe dhënien e autorizimit për arrestimin e Sali Berishës, Fatos Bytyçi dhe Florion Goga shkruajnë se parlamenti paskësh votuar për heqjen e imunitetit të Sali Berishës pas paditjes së tij për korrupsion; se prokurorët e paskëshin akuzuar Sali Berishën që në tetor se gjatë viteve 2005-2009 paskësh përdorur ndikimin e tij si kryeministër për të favorizuar bashkëshortin e të bijës në privatizimin e një trualli shtetëror; dhe se Sali Berisha po mohuaka akuzat.
Kjo narrativë e pavërtetë deri në bubitje e dy zaroshëve të Edi Ramës synon të manipulojë e keqinformojë opinionin ndërkombëtar lidhur me të vërtetën e arrestimit të Sali Berishës. T’i përhapësh gënjeshtrat e Edi Ramës si të vërteta përmes një agjencie prestigjioze si Reuters, është jo vetëm shpërdorim dhe përdhosje ulëritëse e mirëbesimit të lexuesve, por edhe një besëprerje dhe minim i besueshmërisë së vetë agjencisë, e njohur si bastion i integritetit të gazetarisë dhe i parimeve të së vërtetës, objektivitetit dhe paanshmërisë –çka përbën një nga arsyet përse i vendosa në dijeni.
Keep Watching
Fatos Bytyçi dhe Florion Goga po i manipulojnë dhe po i keqinformojnë lexuesit e shumtë të Reuters-it dhe opinionin ndërkombëtar qëllimisht, për interesa të Edi Ramës”, thuhet në shkrimin e portalit të familjes Berisha.
“Sa i përket Reuters, bastion i integritetit të gazetarisë dhe i parimeve të së vërtetës, objektivitetit dhe paanshmërisë, ndreqja e këtyre manipulimeve dhe keqinformimeve ulëritëse nuk është thjesht një përgjegjësi ndaj lexuesve të saj, por një domosdoshmëri. Duke vepruar kësisoj, jo vetëm do të mbrojë, siç ka bërë deri më sot, shenjtërinë e përcjelljes së lajmit, por, në të njëjtën kohë, do të parandalonte lindjen dhe përhapjen e perceptimit të gabuar se kundër Sali Berishës dhe opozitës shqiptare ekziston një komplot ndërkombëtar”, mbyllet shkrimi.
Në fakt, “Reuters” ndoshta duhet të marrë leksione nga mediat e familjes Berisha, se sib ëhen lajmet dhe si raportohet me vërtetësi.