Tirana u trondit mbrëmjen e djeshme nga dy njoftime aspak të zakonta, një efektiv i FNSH plagos në gjendje të dehur një qytetar dhe një polic i patrullës së Rajonit Nr.3 në Tiranë vret kolegun e tij.
Ngjarjet në dukje banale që korrenspondon dhe me raportin zyrtarë të policisë, përmbajnë një të vërtetë të hidhur, se si ngjarja tek Rruga Mine Peza dhe ajo në Kombinat ka ndodhur pa një motiv në dukje të rëndësishëm.
Sherri ishte banal, por problematika nuk është aq banale, pasi kemi të bëjmë për një veprim në kushte të rënda psikologjike, e si i tillë nuk duhet anashkaluar.
Burimet konfidenciale për ekskluzive.al bëjnë me dije se 27-vjeçari Ludian Zaimi efektiv patrulle në Komisariatin Nr.3 Tiranë, ka zbrazur karikatorin mbi efektivin 55 vjeçar Çaush Saliasi, i cili ndrroi jetë në spital pas plagëve të marra.
Të njëjtat burime pohojnë se Saliasi e bullizonte në mënyrë të përsëritur Zaimin, po ashtu dhe natën e ngjarjes, 55 vjeçari i ndjerë kishte bërë të njëjtën gjë drejt efektivit të ri të patrullës, i cili kishte thuajse 2 vite që ushtronte profesionin e tij si efektiv policie.
Mësohet se natën që ndodhi ngjarja, Saliasi e ka bullizuar Zaimin përballë dhe dy kolegeve të tij. Zaimi ka dal nga rajoni dhe ka qëndruar për rreth 30 minuta jashtë ambienteve të komisariatit dhe brenda mjetit të patrullës, ka konsumuar disa cigare në gjëndje stresi dhe të rënduar emocionale, më pas është kthyer brenda ambjenteve ku ka shkrepur armën e punës drejt kolegut.
Pasi ka qëlluar 5 plumba nga pistoleta e tij ka bërë disa hapa pas dhe është kthyer sërisht duke qëlluar edhe 2 plumbat e mbetur nga karikatori. Koleget e pranishme në vendngjarje kanë dal jashtë ambienteve në panik e duke bërtitur, më pas efektivë të tjerë të këtij rajoni kanë arrestuar Zaimin, ndërsa të tjerë e kanë futur brenda një prej mjeteve të policisë për ta transportuar për spital, ku efektivi ka humbur jetën në sallë të operacionit.
Po ashtu edhe efektivi i FNSH, i cili plagosi qytetarin në këmbë me armën e punës ka ndodhur për një sherr banal mes tyre.
Ama në kushtet që janë zhvilluar ngjarjet të cilat tronditën opinionin publik, siguria publike vendoset në pikëpyetje, pasi efektiv të tjerë që zotërojnë një armë mund ta shkrepin atë ndaj gjithëkujt në gjendje të rënduar psikologjike.
Ndërkohë që qytetarët presin që policia të jetë mburojë e tyre ndaj plumbave apo kriminelëve, ata ndjehen të rrezikuar pikërisht nga ata që duhet t’i mbrojnë.
A është e nevojshme të verifikohet gjendja psikologjike e efektivëve të policisë apo ushtarakëve në rang vendi që mbajnë një armë në brez?
A duhet të ketë frikë një qytetarë të bëj shaka me një efektiv policie pasi mund të përfundoj në morg?
A duhet të ketë frikë një efektiv policie nga kolegu i tij duke qenë më i kujdesshëm në batutat që bënë në orarin e punës?
Vrasja e natës së djeshme dhe plagosja na kujtoi një ngjarje të rëndë si ajo e vrasjes në derën e shtëpisë pa asnjë motiv të 25 vjeçarit Klodian Rasha, nga efektivi i policisë së Shqiponjave, Nevaldo Hajdaraj.
Të tilla ngjarje vetëm sa njollosin imazhin dhe besueshmërinë ndaj policisë së shtetit, e cila në vend që të të mbroj të vret, pse shteti që duhet të sigurohet për gjendjen psikologjike, jo vetëm që nuk e bënë këtë, por i pajis dhe me armë në brez.
Në fakt të gjitha viktimat e armëve shtetërore nuk janë vrarë as për motive banale dhe as nga pakujdesia, por nga papërgjegjshmëria!/Ekskluzive.al