Himara voton sot kryebashkiakun e ri. Janë plot 23 mijë e 74 qytetarë që janë thirrur për të votuar për të zgjedhur mes dy kandidatëve, Vangjel Tavo i PS dhe Petro Gjikuria i “Bashkë Fitojmë’ të partive opozitare.
Në total janë 36 qendra votimi në Himarë dhe sipas orarit zyrtar hapen në orën 07:00 dhe mbyllen në 19:00 deri kur të largohet votuesi i fundit.
A po manipulohet procesi i zgjedhjeve në Himarë?! ‘Report TV’ raporton se mëngjesin e sotëm nga dogana e Qafë Botes përveç 3 autobusëve të linjave të rregullta Athinë – Sarandë, kanë hyrë edhe 2 autobusë që sillnin persona për të votuar në Himarë. Sipas burimeve të 2 autobusët kishin persona që vinin të organizuar nga stafi i kandidatit te opozites, Petro Gjikuria. Ndërkohë nga burime të stafit të Gjikurisë mësohet se përgjatë javës kanë mbërritur me automjete të tyre edhe qindra votues të tjerë, të cilët kanë planfikuar pushimet e tyre përgjatë këtyre ditëve në Shqipëri.