Duhet të ketë qenë një frikë e madhe për një çift nga Sarasota, në jug të Floridas, kur e gjetën veten me një aligator tre metër të gjatë në pishinën e shtëpisë së tyre. Një zhurmë e fortë i ka zgjuar papritur, që në mëngjes herët dhe kur kanë dalë në dritare, i ka mbërthyer paniku.
Menjëherë kanë thirrur 911, kështu policia ka mbërritur në ndërtesë dhe ka kapur aligatorin. Imazhet janë shpërndarë në rrjetet sociale nga vetë policia. Në Florida numërohen rreth 1 milion ekzemplarë të kësaj specie që mund të arrijë një peshë prej 400 kG, dhe një gjatësi deri në 4 metër e gjysmë.