Ilir Babaramo dhe Denis Dynjaja nuk e vlerësojnë si emrin e duhur Gent Cakajn. Por Balla ka argumentat e tij me të cilat e mbron.
Pjesë nga debati:
Ilir Babaramo: Në zyrën ku ka qëndruar vetëm 5 minuta Edi Rama si Ministër i Jashtëm, kanë qëndruar nga Ismail Qemali, Fan Noli, Enver Hoxha etj. Është një zyrë shumë e rëndësishme. Çfarë janë këto rrethana të çuditshme ku të vendosësh shef të Minsitrisë së Jashtme një njeri no face, no name no number. Dhe kjo bëhet në momente shumë diçizive për politikën e jashtmë shqiptare.
Taulant Balla: Kjo temë është sqaruar disa herë. Genc Caka ka personalitetin e vet dhe CV e vet. Kur në këtë vend iu propozua posti i Ministres së Integrimit Arenca Trashanit, si mund të flisni për Gentin? Lëreni djalin t’ju tregojë se çfarë di të bëjë. Do t’ju surprizojë për mirë. Kam një vit e gjysëm që e njoh, Kam qenë me të në kancelaritë më të rëndëishme të botës.
Babaramo: Ka folur me një sintaksë të tmerrshme!
Balla: Pse nuk e thonit këtë për Lorik Canën kur bënte gol?
Denis Dynjaja: Nuk kishte Partia Socialiste një figurë tjetër më të përshtatshme si Cakaj? A keni një emër ju të paktën nga partia juaj që do e meritonte? Më thoni një emër?
Balla: Partia Socialiste ka plot asete për të patur tre qeveri, jo një. Ne i kemi besuar Gent Cakajt për t’i drejtuar ministri.