Filmi meksikan “Emilia Perez” ka marrë kritika të ashpra pas marrjes së 13 nominimeve për çmimet Oscar, duke u cilësuar nga disa si një nga filmat më të dobët që ka arritur kaq shumë vlerësime.
Megjithëse thrilleri muzikor i Netflix u vlerësua për performancat e aktorëve si Adriana Paz, Selena Gomez, Zoe Saldana dhe Karla Sofia Gascon, të cilat përfshinë histori të rëndësishme, përfshirë nominimin e parë të një aktoreje trans në kategorinë e “aktorëve më të mirë”, shumë shikues shprehën zhgënjim për filmin.
Pasi u shpallën nominimet, reagimet negative në rrjetet sociale ishin të shumta. Disa përdorues shprehën habinë për përfshirjen e filmit në kategori si “Filmi më i mirë” dhe “Kinematografia më e mirë”, duke e cilësuar atë si “më të keqin që kanë marrë ndonjëherë këto nominime”.
Kritikat u përqendruan sidomos te disa këngë të filmit, të cilat dukeshin si përkthime të dobëta, dhe u theksua se, pavarësisht performancave të shquara të aktorëve, filmi nuk meritonte të kishte kaq shumë vlerësime.
Filmi, që tregon historinë e një avokati që ndihmon një udhëheqës karteli të zhduket, ka tërhequr vëmendje të madhe pasi fitoi çmimin e jurisë në Festivalin e Filmit në Kanë dhe u nderua për ansamblin e tij të aktoreve femra.
Megjithatë, pas shpalljes së nominimeve, mbetet ende e paqartë nëse “Emilia Pérez” është një sukses i vërtetë apo thjesht një film i mbështetur nga një marketing agresiv dhe lëvdata të diskutueshme.