Kryetari i Grupit Parlamentar të Partisë Socialiste, Taulant Balla, gjate fjales se mbajtur ne Elbasan, ne takimin me grupet e interesit per strategjinë kombëtare të punësimit ka ironizuar me protesten e opozites, per mosbindje civile, duke akuzuar kreun e demokrateve, Lulzim Basha se nuk paguan faturat e ujit. 
Sipas Balles, Lulzim Basha nuk paguan faturën e ujit të pijshëm nga shtatori i 2017. “Ky është i pari që e ka filluar “mosbindjen civile”, pastaj po e ndoqi njeri mbrapa mirë. E sigurtë që nuk do ta ndjekë njeri mbrapa”, tha Balla.
Ai theksoi me tej, se për Bashen sot koifiçenti i lumturisë matet me sa mund ti bëjë keq Shqipërisë.
“Detyra jonë është të vazhdojmë ti bëjmë mirë Shqipërisë. Edhe pak ditë, pavarsisht tymit të gomave, çizmeve, klithmave, ne do të kemi mundësi që më 17 prill të marim një lajm të mirë për Shqipërinë, që është rekomandimi i Komisionit Evropian për hapjen e negociatave me Shqipërinë. Jam shumë i sigurtë çizmet, klithmat, gomat, Luli, Saliu, Monika do vazhdojnë të njënjtën këngë, detyra jonë është të krijojmë sa më shumë punë për shqiptarët, të cilët ende nuk kanë pasur mundësi tju jepet një vend pune”- tha Balla.
Ndërsa përsa i përket protestës së organizuar nga opozita, duke bllokuar akset rrugore dhe duke djegur goma, Balla tha: “Do doja ta mbyllja me diçka që më tha përpara se vinim këtu një sipërmarrës i Elbasanit. Kishim një vit që në Elbasan nuk kishim më tym, sepse ishim mësuar me tymin e plehrave, por Monika me Edmond Spahon na khyen dje tymin, duke djegur goma në Bradashesh, na kishte marë malli për tym sepse kishim 26 vite që hanim tym, por falë Edi Ramës Elbasani është shëruar nga një prej sëmundjeve më të mëdha që ka pasur në gjithë këto vite tranzicioni, shërimi ndaj sëmundjes së tymit të plehrave. Deklaroi Balla.