Nënkryetari i PD, Edi Paloka ka reaguar në lidhje me akuzat ndaj ministrit Fatmir Xhafaj.
Edhe pse audio përgjimi nuk është vertëtuar ende nga organet kompetente Paloka thotë se Fatmir Xhafaj duhet të largohet një orë e më parë
Reagimi i Edi Palokës
Pse hesht Ministri i Brendshëm?
Fatmir Xhafaj duhet të jetë rasti i vetëm në botë që kapet në flagrancë duke shkelur ligjin dhe fshihet pas karriges së Ministrit të Brendshëm.
Kanë kaluar më shumë se 24 orë që kur shqiptarët panë sesi vëllai i Ministrit të Brendshëm kapet në pazare droge, por Fatmir Xhafaj bën sikur nuk ka ndodhur asgjë.
Fatmir Xhafaj duhet të largohet një orë e më parë.
Çdo orë në zyrën e Ministrit të Brendshëm:
Prish provat e lidhjeve të të vëllait me trafikun e drogës
Pengon hetimin e të vëllait për trafik droge
Pengon arrestimin e tij për vuajtjen e dënimit me 7 vjet e dy muaj burg.
Pengon zbatimin e ligjit antimafia.