Kryeministri Rama aktualisht po qëndron në një tur dyditor në Qarkun e Kukësit.
Ai zhvillon këtë vizitë në kuadër të platformës “shqipëriaqëduam.al”, por përtej asaj që u diskutua, vëmendje tërhoqi pritja që iu rezervua në Kukës.
Një grup qytetarësh protestuan me pankarta, tymuese apo edhe kapsolla, ndërkohë që policia nuk i lejoi të protestonin në qendër të qytetit.
Pas kësaj situate, Rama nuk nguroi t’i përmendte protestuesit në bashkëbisedimin me qytetarët.
Ai tha:
Më vjen keq që një pjesë e atyre që kishin ardhur për të marrë pjesë në takim, për shkak të sallës ishin të detyruar të rrinin jashtë dhe të shikonin atë grupin zoologjik, që ishin mbledhur në hyrje. Kemi një kundërshtar tejet të dëshpëruar dhe njerëzit e dëshpëruar bëjnë gjëra të dëshpëruara”