Pas Vitit të Ri qytetarët kanë lëvizur në drejtim të Greqisë por edhe anasjelltas.
Gjatë 24 orëve të fundit në Kapshticë, kanë hyrë 86 persona dhe 31 mjete.
Ndërsa në Qafë-Thanë, kanë hyrë 1922 shtetas dhe kanë dalë 2090 të tjerë.
Duke qene se pika e kalimit kufitar në Kapshticë në hyrje vijon të punojë me kufizime dhe dalja nga kjo pikë drejt shtetit grek është e bllokuar, të shumtë janë ata të cilët kanë zgjedhur të dalin nga Shqipëria përmes pikës së kalimit kufitar të Qafë Thanës.
Autoritetet greke kanë vendosur të shtyjnë për në 7 janar vendimin për hapjen e pikës së kalimit kufitar të Kapshticës, për shkak të situatës së krijuar me koronavirusin.
Në datën 20 nëntor, pala greke vendosi mbylljen e plotë të kësaj pike kufitare, ndërkohë që në datën 3 dhjetor vendimi u ndryshua duke lejuar këmbësorët, kamionët e tonazheve të rënda dhe të mallrave për të hyrë drejt tokës shqiptare.