Platforma e bashkëqeverisjes vijon t’i japë zgjidhje problemeve të zgjatura prej vitesh për qytetarët shqiptarë në dyert e shtetit.
Qytetari nga Sukthi i Durrësit, Viktor Peleshi, në vitin 1996 kishte aplikuar pranë ZVRPP për rregjistrImin e pronës, por prej 22 vitesh nuk kishte arritur të gjente dot zgjidhje.
Pas ankesës së tij në shqipëriaqëduam.al, në Tetor të këtij viti qytetarit iu dorëzua me postë leja e legalizimit.
Në takimin javor me qytetarët që kanë marrë zgjidhje, Kryeministri Rama tha se platforma është një instrument në duart e qytetarëve që nuk gjejnë zgjidhje në dyert e shtetit.
Sami Fjolla, një qytetar nga Tirana, prej vitit 2005 kishte aplikuar për legalizimin e banesës së vet por procesi ishte zvarritur për kaq shumë kohë nga amdinistrata shtetërore.
Ndonëse shkonte disa herë në zyrat e ALUIZNI-t për të kërkuar të drejtën e tij, procesi i legalizimit vijonte të zvarritej pa asnjë arsye.
Pas 13 vitesh pritjeje qytetari vendosi ta adresojë problemin e tij në platformën shqipëriaqëduam.al ku mori zgjidhje brenda tre ditësh.
“Shkoja herë pas here, vetëm në 2015 kam shkuar katër herë rresht dhe nuk më jepnin përgjigje për legalizimin. Ju ma dhatë përgjigjen për vetëm tre ditë, e për këtë ju jam mirënjohës shumë”, tha qytetari në takimin me Kryeministrin Rama.
Kryeminsitri Rama shtoi se pasi raste të tilla zgjidhen, për personat që janë shkaktarë të vonesave hapen hetimet administrative dhe në bazë të përgjegjësisë, ata mund edhe të largohen nga puna.
Në platformën e bashkëqeverisjes adresohen jo thjesht dhe vetëm ankesa personale, por edhe në funksion të një komuniteti që ka nevojë për zgjidhje.
Një rast i tillë u prezantua sot nga Kryeministri Rama në takimin e tij javor me qytetarët që gjejnë zgjidhje në këtë platformë.
Një zonjë nga Tirana kishte shqetësimin që dy fëmijet e saj binjakë shkonin në një kopësht të Bashkisë Tiranë me 50 fëmijë, por me një numër të pamjaftueshëm edukatorësh.
Pas ineteresimit të zonjës në platformën e Bashkëqeverisjes, Bashkia e Tiranës e trajtoi cështjen në kohën e duhur dhe stafi u shtua.
“Sot ka një raport normal mes numrit të fëmijëve dhe numrit të edukatorëve. Falenderoj zonjën duke e ftuar që të jetë e pranishme në javën e ardhshme”, tha Kryeministri.