Parid Turdiu, djali i Qazim Turdiut, pinjolli i një prej familjeve më të vjetra Tiranase që tashmë jeton në SHBA prej 3 dekadash, ka reaguar mbi debatin që ka nisur pas dekorimit të Avni Rustemit nga Ilir Meta.
Ai sjell një version të ri të vrasjes së Esat Pashës, nga Avni Rustemi.
Postimi i plotë i Parid Turdiut.
Më çuan këtë:
Mirela Bogdani, e shoqatës “Tirona Intellectum”, deklaron se në dekorim ka terma komuniste dhe se vrasja ishte akt terrorist. Bogdani e cilëson Avni Rustemin killer me pagesë dhe thotë se dekorimi promovon vrasjen.
Krejt ndryshe e sheh çështjen historiani Pëllumb Xhufi, për të cilin Anvi Rustemi na shpëtoi nga Esati.
Unë:
Ku e di Mirela se ishte “killer me pagese”?
Ku e pa Pëllumbi se shpëtoi Shqipëria? Ka me keq se i shkoi Shqipërisë?
Pse Ilir Meta dekoron një vëllavrasje mes shqiptarësh 100 vjet më parë?
Në fakt nuk besoj se ishte vrasës me pagesë. Gjyshi im ishte libohovit dhe ishin kushërinj me Anvi Rustemi
Ishin të rinj revolucionare.
Unë isha fëmijë, në një qoshe të dhomës dhe me është fiksuar, kur plaku Suat Asllani, një libohovit i shquar, po tregonte se ishin studentë në Itali dhe e hodhën me letër me vrimë se kush do e vriste Esatin. I ra Avniut.
Pse presidenti i republikës gërmon përçarje të vjetra?!