Dy janë arsyet madhore të dëbimit nga Partia Lirisë, ish LSI-ja: Prishja në pazare dhe afrimi më shumë se ç’duhet me Ilir Metën, pronarin e partisë.
Të gjitha zonjat dhe zonjushat e dëbuara nga LSI-ja me urdhër të Monika Kryemadhit, e kanë pësuar për shkak shkeljes së distancës së vendosur nga Mona me Ilir Metën. Ndërsa ish drejtorë, ish deputetë dhe ish ministra janë dëbuar vetëm kur nuk janë treguar korrektë, duke mos plotësuar në kohë tarifën fikse që duhet të dorëzonin tek pronarët e partisë, Meta-Monika.
Stafi dhe rojet e godinës së partisë nuk janë befasuar aspak kur disa javë më parë nga Monika Kryemadhi erdhi një urdhër për të mos lejuar t’i afrohej selisë së partisë Brisida Shehajn, ish-drejtoresha e tatimeve të Ramës që rilindi si opozitare me Metën, pasi ky i fundit mbylli mandatin në Presidencë.
Një urdhër nga Monika e kanë marrë edhe disa televizione për të mos pranuar më zonjën Shehaj në studio, pasi nuk përfaqëson Partinë e Lirisë (LSI)
Në konferencat e para për shtyp me logon e partisë së re, Ilir Metaj e gradoi Brisida Shehajn si emër në njësinë antikorrupsion që do të ngrihej dhe do të bënte namin duke denoncuar aferat korruptive të qeverisjes korruptive të Edi Ramës nga Konispoli në Vermosh.
Pas kësaj daljeje, Brisida Shehaj doli edhe herë të tjera nga selia e LSI-së me emrin e Partisë së Lirisë, nëpër emisione, studio e panele televizive. Daljet i shoqëronte me fatura të vjetërura mashtrimi me TVSh-në, për të cilat në 2018 ka nisur një hetim nga Prokuroria e Tiranës.
Por, Metës nuk i duhej koha, apo nëse këto denoncime ishin të vjetra apo të reja. Atij i duhej zhurma e denoncimit dhe një njeri që ta përdorte për të shkaktuar këtë zhurmë. Brisida Shehaj ishte e duhura.
“Vetëm sot sa doli lajmi janë rreth 80 njerëz që presin të takohen me mua për të bërë denoncimet e tyre. Një gjë është e sigurt që ne nuk do denoncojmë me fjalë, do mundohemi të jemi sa preciz dhe konkretë. Denoncimi i parë nga kjo strukturë vjen nesër, ne do të kemi konferencë me kryetarin, zotin Ilir Meta. Mund t’ju them që është shumë e rëndë, do jetë një denoncim shumë i rëndë dhe kemi vendosur të flasim me fakte dhe dokumente”, theksoi ajo.
Por, Brisida Shehaj nuk do ta kishte të gjatë. Pa paralajmërim, Monika e përjashtoi fillimisht nga grupi i WhatsApp.
Më pas lëshoi urdhrin verbal që ‘bleta e tatimeve’ të mos i afrohej selisë së partisë si dhe informoi linjat e saj mediatike se Shehaj nuk përfaqësonte më Partinë e Lirisë.
Një burim i brendshëm tha se shkak i ‘tërbimit’ të Monikës ishin disa mesazhe me përmbajtje të dyshimtë të Shehajt me Ilir Metën.
Edhe pse Shehaj është e bindur se raporti me Metën është brenda korrnizës politike dhe të bashkëpunimit për kauzat e partisë, Monika, e pushtuar nga paranojat, duket se ka parë flirt.
Ndërkaq, Brisida Shehaj nuk është menduar gjatë, por është afruar me Belind Këlliçin, duke u bërë pjesë e stafit të tij. Burime për Prapaskenën thanë se Këlliçi i premtoi Shehajt post të rëndësishëm në bashki nëse do të fitojë përballë Veliajt.
Por edhe këto është shtrirë hakmarrja e Monikës, e cila duket se i ka dhënë ultimatum Belos që të distancohej nga Shehaj. Dhe Belo ka reflektuar menjëherë.