Kryediplomati serb Ivica Daçiç, tha se Bosnja duhet të deklarojë nëse e njeh apo jo Kosovën dhe pyeti pse Republika Srpska nuk do të kishte të drejtë të bëhet shtet më vete, nëse Kosova, e cila është pjesë e Serbisë, e ka këtë të drejtë.
“Nëse Kosova ka të drejtë të bëhet shtet, e cila është pjesë e Serbisë, atëherë pse, për shembull, Republika Srpska nuk do të kishte të drejtë të bëhet shtet më vete. E shihni se sa janë në lojë këto standarde të dyfishta”, tha Daçiç për TV Pink, dhe deklaroi se çdo vend në botë e ka “Kosovën e vet”.
Këtë deklaratë skandaloze të Daçiç e ka komentuar deputeti boshnjak Edin Ramiç, duke thënë përpjekjet për të lidhur statusin e Kosovës me Srpska-n në Bosnje tregonë se Beogradi nuk e respektojnë integritetin territorial të Bosnjes, por edhe se nuk kanë ndonjë argument që do të u jep atyre kuptim në përfaqësimin e pikëpamjeve të tyre.
“E vetmja lidhje ndërmjet Kosovës dhe entitetit të RS-së është synimi i politikës së Serbisë së Madhe për të spastruar etnikisht të dyja zonat e popullsisë joserbe dhe se krimet e tmerrshme të luftës janë kryer në Kosovë dhe në zonën e entitetit aktual të RS-së, për të cilën ishte përgjegjëse e njëjta parti, ajo e udhëhequr nga shefi i Daçiçit në vitet ’90, Sllobodan Millosheviç”, tha ai.
Ai përkujtoi se Kosova ishte një krahinë autonome në kohën e Jugosllavisë, ndërsa RS ishte vetëm një entitet në Bosnje i krijuar me nënshkrimin e Marrëveshjes së Paqes të Dejtonit.
“Kosova funksionon në mënyrë të pavarur, pavarësisht nga mosnjohja e statusit të shtetit nga Serbia dhe Bosnja, ndërsa entiteti i RS është një hapësirë e varur ekonomikisht brenda Bosnjes që po bëhet gjithnjë e më shumë demografikisht e zbrazët dhe si e tillë, me lidershipi politik që ka, po bëhet barrë edhe për Serbinë, pavarësisht nëse Beogradi zyrtar e përdor atë si kartë në zgjidhjen e statusit të Kosovës apo mjet për kërcënime për destabilizimin e rajonit”, tha ai.
Ramiç tha se përpjekjet për të bërë paralele të tilla jo vetëm që janë të pabaza dhe të pakuptimta, por edhe tregojnë se Daçiçi dhe bashkëmendimtarët e tij nuk po heqin dorë nga idetë që u përpoqën t’i realizojnë me armë në dekadën e fundit të shekullit të kaluar.
“Si do ta trajtojë Bosnja Kosovën, është ekskluzivisht çështje e institucioneve shtetërore të ngarkuara me politikën e jashtme. Në këtë, ne do të ndjekim politikën e Bashkimit Evropian, pavarësisht vullnetit të disa ‘negociatorëve të rinj’ për të marrë një qasje tjetër apo kërcënimeve boshe të politikanëve si Daçiç”, tha Ramiç. /tesheshi.com/