Shefja e departamentit të gazetarisë në Universitetin “Aleksandër Xhuvani”, Elvira Lumi, u vendos sot nën pranga pasi akuzohet se ka shpërdoruar detyrën. Sipas “bluve” të qytetit, 54 vjeçarja kërkonte shuma të mëdha parash në këmbim të notës kaluese.
Operacioni i koduar “Dekani”, nxorri në pah edhe njëherë skemën korruptive që kanë ngritur prej vitesh një grup pedagogësh pranë departamentit të gazetarisë.
Veç të tjerash, fuksionarja e lartë në UE, Elvira Lumi, njihet si një mikeshë e ngushtë e deputetit demokrat Luçiano Boçi, krah të cilit ka dalë mjaft herë. Këtu shtojmë edhe përkrahjen që Lumi i jepte herë pas here në auditorët e universiteteve fushatave të ndërmarra nga ligjvënësi.
Bashkë me Elvira Lumin, u arrestua deklani i këtij universiteti Albert Riska, pedagogia Erjola Calja si dhe tre sekserët Petrit Kodra, Admirim Kala, Adem Ngjela, Marius Calja.
Admirim Kala është një emër jo i panjohur për publikun. Kala ishte në listën e LSI si kandidat për deputet në qarkun e Elbasanit. Emri i tij përflitej si kandidaturë e mundshme e Monika Kryemadhit edhe për kreun e Bashkisë së Gramshit. 
