Tymi nga zjarret masive në Kanada mbuloi rajone të tëra në verilindje të SHBA-së dhe autoritetet u kërkuan grupeve të cenueshme të qytetarëve që të shmangin daljet jashtë.
Në Kanada janë qindra zjarre aktive në provincat perëndimore deri në Quebec. Autoritetet amerikane kanë lëshuar paralajmërime për cilësinë e ajrit pasi tymi dhe kushtet e dukshmërisë së ulët raportohen edhe në të gjithë Liqenet e Mëdha, nga Cleveland në Buffalo.
Agjencia Amerikane për Mbrojtjen e Mjedisit tha se efektet ka të ngjarë të zgjasin me ditë.
Zjarret në zonën e Quebec janë të mëdha dhe janë rreth 800 deri në 970 kilometra nga Rhode Island. Më pas pasuan zjarret në Nova Scotia, duke ngritur një alarm për cilësinë e ajrit më 30 maj.
Jay Engle, një meteorolog me Shërbimin Kombëtar të Motit me qendër në Upton, Long Island, shpjegoi se erërat që çuan tymin në Nju Jork ka të ngjarë të vazhdojnë të fryjnë në të njëjtin drejtim për ditët në vijim.
Paralajmërimet për cilësinë e ajrit përfshijnë grimca të njohura si ‘PM 2.5’ që shkaktojnë acarim në sistemin e frymëmarrjes.