Në raportin e EUROPOL, thuhej se kompania “Kurum”, po merrte nga Serbia e po sillte në Shqipëri me dokumente false, mbetje metalike toksike të ndaluara për riciklim e prodhime hekuri, duke krijuar një korridor të lirë kalimi transit korruptiv në Malin e Zi, me mafien zyrtare të këtij shteti…
Pas skandalit të mbetjeve të metaleve toksike, Sali Berisha ka harruar hallet e veta dhe po mbron kompaninë turke “Kurum”, duke thënë se kontejnerët me mbetje që u kapën në Tajalandë e Kinë nuk janë të kësaj kompanie.
Por dy dokumentet që po publikon “Pamfleti”, zbulojnë arësyen pse Sali Berisha po mbron mafiozët e “Kurum”, me të cilët ka pasur raporte pazaresh e interesash private gjatë pushtetit 2005-2013, krijuar me bazë përmbajtje krimi ekonomik e mjedisor, duke shkelur dhe ligjet e konventat ndërkobëtare të sigurisë mjedisore.
Bëhet fjalë për dy vendime qeverie, të firmosur brenda 2 muajve nga ish-kryeministri Sali Berisha e duke bërë ndryshime të shpejta, me të cilët autorizonte vetëm kompaninë “Kurum” me status monopoli, të importonte nga Serbia mbetje metalike të rrezikshme të çdo lloji.
Në VKM nr. 1078, datë 29. 12. 2010, Sali Berisha, thotë: – “Autorizohet kompania “Kurum”, për importin e 300 mijë ton mbetje metalike nga shteti i Serbisë në Shqipëri, për periudhën 1 janar-1 dhjetor 2011, duke i kaluar transit nëpërmjet Malit të Zi.
Ndër mbetjet e përcaktuara për të sjellë nga Serbia në Shqipëri, Sali Berisha i dha kompanisë “Kurum”, monopolin e importimit të mbetjeve të gizës, hekurit, çelikut e metaleve të tjera në copa të vogla, ashkla, feta, mbetje, bluajtje, pluhur sharrimi e lëmimi rifuxhio e në çdo lloj trajte.
Sipas përcaktimeve të BE e Koventës së Bazelit, këto 300 mijë ton mbetje metali të Serbisë, që Sali Berisha i lejoi të futeshin në Shqipëri nëpërmjet kompanisë “Kurum” si monopol vetëm prej saj, ishin e janë jashtë listës së gjelbër, dhe konsiderohen mbetje toksike me rrezikshmëri të lartë.
Në bazë të Konventës së Bazelit, në bazë të ligjit ndërkombëtar të mjedisit dhe urdhëresës së Këshillit të Europës, Serbia duhej t’i klasifkonte këto mbetje të rrezikshme, të ndaluara për riciklim dhe duhej t’i asgjësonte brenda territorit të saj në prezence të agjencive ndërkombëtare.
Por ish-kryeministri Sali Berisha, urdhëroi e lejoji të silleshin e shkriheshin në Shqipëri, ndërsa mbetjet e mbetjeve të hidheshin në mjedis të hapur në Elbasan, ndërkohë që vetë Serbia nuk i riciklonte.
Raporti i EUROPOL me kodin “EU-ZA-AL-12/1.1”, datë 9 shkurt 2011, referuar raportit të SHISH “Nr. 0017.Al”, datë 4 nëntor 2010, pra 1 muaj para daljes së vendimit të Sali Berishës, thuhej se 300 mijë ton mbetjet e rrezikshme metalike e të pa riciklueshme, që Shqipëria po importon nga Serbia, janë biznes i organizuar mes serbo- boshjakut Damir Fazllic dhe pronarëve të kompanisë turke “Kurum”, me aktivitet në qendrën metalurgjike të Elbasanit.
Ndërsa Sali Berisha, që e kishte Damir Fazlliçin këshilltar për ekonominë, sigurinë kombëtare dhe mik shtëpie e ortak të vajzës e dhëndrit, më 12 dhjetor 2010, firmosi monopolin e importit të mbetjeve të rrezikshme nga Serbia në Shqipëri.
Në raportin e EUROPOL, thuhej se “Kurum”, po merrte nga Serbia e po sillte në Shqipëri me dokumente false, mbetje metalike toksike të ndaluara për riciklim e prodhime hekuri, duke krijuar një korridor të lirë kalimi transit korruptiv në Malin e Zi, me mafien zyrtare të këtij shteti.
Alarmi i mbyllur që dhanë BE dhe EURPOL, detyroi ish- kryeministrin Sali Berisha, që pas dy muajsh, më 9 mars 2011, të nxirrte VKM nr. 187, me të cilën ndryshoi formalisht sa për sy e faqe, Vendimin Nr.1078, datë 29.12.2010, ku thoshte: – Kompania “Kurum”, për çdo sasi e ngarkesë mbetjesh që importon nga Serbia, duhet ta shoqërojë me dokumentacionin e nevojshëm dhe për çdo ngarkesë, duhet të ketë dokumentin e lëvizjes ndërkufitare të tyre, me përcaktim e detajimit të listës së llojeve të mbetjeve dhe me raport- analiza të radio-aktivitetit. (vijon)/Pamfleti