Lulzim Basha mbeti i bllokuar mbrëmjen e djeshme në aksin Lezhe-Shkodër, si pasojë e motit të keq me stuhi bore që ka përfshirë vendin tonë dhe duke qenë të pa përgatitur për situata të tilla gjë që është shkelje flagrante e ligjit si nga drejtuesit e mjeteve dhe personat shoqërues.
Basha tregoi se makina e tij kishte ngecur në zonën mes Tales dhe Shënkollit, ndërkohë që shprehej se nuk kishte parë asnjë borëpastruese që të punonte për lirimin e rrugës. Basha si i paditur që është flet për borë pastrues në akse që bie borë njêherë në 10 vjet dhe ku trashësia e borës nuk i kalon 5 cm.
Kreu i PD-së tregoi se edhe një autoambulancë ka mbetur në rrugë, ndërkohë që nuk dihet nëse brenda saj kishte apo jo persona të sëmurë. Siç shihet dhe në pamjet e mëposhtme, shoqëruesit e Bashës kanë dalë për të shtyrë ambulancën, e cila duket se nuk ka qenë e pajisur me zinxhir, ose trashësia e borës ka qenë mjaft e madhe.
“Situata është e rëndë, kam kohë të gjatë i bllokuar. Përmbytje dhe ngrica, kemi mbetur në një zonë përtej Shenkollit dhe Tales, para Lezhës. Ku janë shumë automjete me familjarë, ka dhe ambulancë. Edhe disa prej shoqëruesve të mi janë munduar ta lëivizn, por pa sukses.
Qindra automjete të mbetura, siç kam informacione për dhjetëra familje që kanë ngelur. Situata është e bllokuar, gjithë Shqipëria prej kësaj situate. S’është marrë asnjë masë për të lehtësuar situatën.
Dihej para 5 ditësh që e shtuna dhe e diela do sillte dëbore. Ishte detyra e qeverisë por si në shumë fusha të tjera ka paguar për hedhjen e kripës, borëpastruese. Nuk kam parë asnjë veprim, as hedhje kripe as borëpastruese. Qindra automjete, shumë familjarë kanë mbetur të bllokuar. Duke përfshirë këtu edhe ambulancë para automjetit tim.
Kur vjen puna për t’i puthur në kokë koncesionarët Ramën e keni ditë për ditë në televizor. Përgjegjësinë për këtë e ka qeveri”, tha Basha mbrëmjen e djeshme.