Kompozitorja e njohur Diana Ziu ka publikuar një letër në rrjetet sociale drejtuar presidentit Ilir Meta. Ajo shprehet se së bashku me bashkëshortin e saj po ashtu një aktor i dashur për shqiptarët Vangjel Toçe, prej 3 vitesh janë propozuar për titullin “Mjeshtër i Madh” dhe nuk e kanë marrë.
Diana Ziu është e indinjuar që me vepra të suksesshme prej shumë vitesh, shteti të mos e vlerësojë punën e bashkëshortëve.
Ajo tregoi se ka qenë një telefonatë nga këshilltari i presidentit Ilir Meta, i cili sipas saj e ka fyer me përgjigjen që i ka dhënë. Znj.Diana tregoi se nga institucioni i Presidencës iu tha që nuk mund të jepen dy medalje brenda të njëjtës familje:
“Po sa njerëz kanë qenë artistë të mëdhenj dhe kanë vdekur, dhe pas vdekjes as që nuk u është dhënë ky titull?!
Pra artistë të mëdhenj që kanë ikur nga kjo botë pa ia dhënë atë titull dhe pas vdekjes nuk e do askush. Por jo t’ja japësh një këngëtari që doli këndoi këngë tallavaje, ka kënduar 3 këngë ose 5 tekste dhe tani artisti i kombit apo i merituar.
Është një letër që vërtetë na ka revoltuar. Pastaj është dhe një gjë që më ka bërë shumë përshtypje, në telefonatën e fundit që u fyem shumë.
A ka mundësi ta sqarojmë ka qenë biseda në fjalë, se në qoftë se është fjala që mund të bëhet vetëm Vangjeli ose vetëm Diana se 2 veta nga një familje nuk lejohet.
O Zot! Jemi habitur dhe nga kjo thënie e këshilltarit të presidentit Ilir Meta. Ndoshta Ilir Meta nuk e di por është me të vërtetë një turp që të thuash po mirë dy veta nga një familje?! Po mirë ç’do të thotë kjo 2 veta nga një familje?
Po mirë ne jemi 5 veta në familje të tërë artistë jemi përveç Denadës, ja u bëmë 4. Të katërt ne nuk duhet të jemi artistë?”