Një tërmet me magnitudë 7.4 ballë të shkallës rihter ka goditur brigjet e provincës Sulawesi të Indonezisë.
Qytetarët janë larguar të alarmuar nga shtëpitë dhe janë evakuar nga banesat. Tërmeti ndodhi rreth orës 10:30 sipas asaj lokale dhe epiqendra ishte në detin Flores.
Ai preku rajonin e Nusa Tenggara Lindore, thanë zyrtarët.
Nuk raportohet ende për të lënduar apo dëme të mëdha, por vendasit thanë se ndjenë lëkundje të fuqishme
Paralajmërimet për cunami për zonën u hoqën më vonë të martën.
“Të gjithë ishin të shokuar. Ata po iknin nga shtëpitë e tyre. Disa ishin gati të vraponin drejt kodrave”, ka thënë Takdir, një banor për BBC Indonesia.
Megjithatë, ai shtoi se shumica e njerëzve tani ishin “rikthyer në aktivitetet e tyre normale”, duke shtuar se nuk kishte asnjë shenjë të një cunami.
Tërmeti vjen vetëm 10 ditë pas shpërthimit të madh vullkanik të malit Semeru në ishullin Java, i cili vrau të paktën 46 njerëz.