Largimi i Britanisë nga Bashkimi Evropian e ka ulur ndjeshëm numrin e mjekëve evropianë që kanë punuar për Shërbimin Kombëtar të Shëndetësisë, dhe tashmë shteti ishull është krizë.
Aktualisht mungojnë 112,000 mjekë, ndërsa Sky News shkruan se numri mund të rritet deri në 360,000 deri në vitin 2037.
Në këto kushte, qeveria po ndërmerr plane për të zgjidhur krizën e rëndë të personelit mjekësor në Angli, ku përfshihet financimi prej 2.4 miliardë paund.
Financimi do të ndihmojë në trajnimin e mjekëve, infermierëve, dentistëve dhe personelit tjetër të kujdesit shëndetësor në Angli, si dhe për të punësuar 300,000 staf shtesë në vitet e ardhshme. Financimi shkon në rreth 21,000 £ për vend të lirë pune.
Britania po ashtu do të japë diplomën e mjekësisë 4-vjeçare, dhe jo 5 siç është aktualisht, së bashku me një stazh mjekësor. Kjo të thotë se studentët mund të fillojnë punën gjashtë muaj më herët.
Studentët infermiere gjithashtu do të jenë në gjendje të fillojnë punë sapo të diplomohen në maj, në vend që të presin deri në shtator siç bëjnë aktualisht.
Plani i fuqisë punëtore vjen në një kohë kur pjesë të mëdha të shërbimit shëndetësor po godasin krizën e personelit dhe nivelet e pagave. Plani synon të zvogëlojë varësinë në shpenzimet e shtrenjta të agjencive, të cilat do të shkurtonin faturën për taksapaguesit me rreth 10 miliardë paund midis 2030 dhe 2037.
Plani do të fokusohet në mirëmbajtjen e stafit, me mundësi më të mira për zhvillimin e karrierës, përmirësimin e opsioneve fleksibël të punës dhe reformat e qeverisë në skemën e pensioneve.