Kreu i Grupit Parlamentar të Partisë Demokratike, Gazment Bardhi u paraqit këtë të mërkurë në orën 15:00 në Prokurorinë e Posaçme.
Pasi doli nga SPAK, Bardhi foli për mediat lidhur me ato që ai i quan shantazhe ndaj tij të ardhur në platformën Signal. Bardhi thotë se përgjimet ku del emri i Ervis Martinaj dhe Erigers Mihasit, janë biseda të sajuara.
Por i pashpjegueshëm është fakti se ku e di Bardhi se këto biseda nuk janë kryer mes dy personave të tjerë, sepse aty nuk ka asnjë bisedë të tijën me këta persona, por hetimi jo me telefonin që ka dorëzuar Bardh,i por me numërin që ka përdorur aplikacionin Sinjal do sqaroi shumë gjëra
”E dorëzova telefonin personal për këqyrjen e nevojshme dhe për të dhënat e nevojshme të SPAK, për të verifikuar mesazhet shantazhuese në platformën singal. Dua të qartësoj se ka media që edhe sot janë pjesë e skemës sepse i paraqesin të dhënat në dy procesverbale.
Nuk bëhet fjalë për përgjim real. Janë prodhuar për qëllime kriminale. Ka ndodhur edhe me persona të tjerë. Menjëherë sapo u njoha me to vura në dijeni SPAK, ka të bëjë edhe me kredibilitetin e SPAK dhe me faktin që individë të caktuar përdorin të dhëna që administrohen nga kjo prokuror me përmbajtje të rreme.
E konfirmuar që ai format dhe ato procesverbale nuk ekzistojnë në përgjimet e Sky. Po mbledh të dhënat edhe për mediat që i pasqyrojnë si të vërteta se po bëhen pjesë e skemë shantazhuese e deputetëve të Kuvendit”, tha Bardhi.