Sali Berisha ka ndërruar selinë Foltores. Në protestën e 20 shkurtit kur pretendon se ka rrëzuar bustin e Hoxhës, ai mori pjesë viirtualisht duke mbajtur dhe një fjalim të dyshimtë, sikur të ishte në podium para kryeministrisë, megjithëse është në arrest shtëpie.
Nuk e dimë por është vërtet krimi i dukshëm i organeve ligjzbatuese, duke përfshirë dhe SPAK e BKH të cilat heshtin për shkeljet sfiduese të ligjit dhe shpenzimet kolosal pa asnjë listë dontorësh për mitingje, protesta dhe takime nga një parti me zero buxhet nga KQZ.
Ndërsa maskrohen gjithfarë zyrtarësh për gjoja fenomenin më të përdorur që edhe fëmijët e klasës së parë ia kanë mësuar emrin, atë të shpërdorimit të detyrës, korrupsioni nga bandat e të quajturës opozitë parakalon, proteston dhe kërcënonë me para që nuk i’u a di askush burimin dhe kjo ndodh falë pafuqisë së drejtësisë së re për të zbatuar ligjin.
Nuk ka fare koment dhe diskutim kur personi nën arrest shtëpie Sali Berisha arrin gjëra të paimagjinueshme, për një shtet ku ka shtet dhe ligji funksionon.
Ai përkundër të gjithë ndalimeve ligjore që janë të shkruara si e zeza në të bardhë në kodin penal, ka mbajtur një fjalim sfidues para militantëve të mbledhur para kryeministrisë, duke na bindur se Saliu nuk është në arrest shtëpie por… në ndërrimm selie, me podiume e paisjet audiovizive që do i kishin zili edhe mediat më të zhvilluar, që askush nuk i shpjegon se si janë futur dhe montuar dhe ku janë vendosur në banesë.
Madje. enigmë është fakti se si mundet që Saliu me Lirien të ndërtojnë një podium me të gjitha parametrat, kur ata nuk munden kurrësesi ta bëjnë teknikisht dhe ligjërisht askush nuk mund ta bëjë, sepse personi në arrest shtëpie e ka të ndalur kontaktin me persona të tjerë, përveç atyre që bashkëjeton.
Mos Sali Berisha ka thyer masën e arrestit dhe ka shkuar në selinë PD nga ku dhe përcillte videomesazhin? Apo në ambientet e apartamentit të tij tek rruga “Mustafa Metohiti” organizatorët sfidues të ligjit ishin kujdesur të ngrinin një podium të ngjashëm me atë të vendosur para kryeministrisë si sfidë kundër ligjit dhe drejtësisë “tolerante.”
Neni 237 i Kodit të Procedurës Penale parashikon shprehimisht: “Për kohëzgjatjen e arrestit në shtëpi vlejnë rregullat e caktuara për paraburgimin’. Pra të njëjtat kufizime që ka dhe një person në ‘arrest me burg’ vlejnë dhe për atë që është në arrest shtëpie. Nuk mund të marrë pjesë në aktiviteti, të komunikojë me persona të tjerë veç me ato që bashkëjeton me atë, as të mbajë mitingje,
Pra çfarë është ky SPAK që mashtron një Shqipëri tê tërë me bëmat e tij dhe tallet me ligjin duke e përdorur atë sipas qejfit ca të nënës e ca të njerkës.
Ajo që është e qartë si drita e diellit është se Sali Berisha shënoi dhe një tjetër shkelje të paprecedentë duke bërë miting nga ‘arrest shtëpie’, e kësaj here jo poshtë ballkonit, por në mes të bulevardit “Dëshmorët e Kombit’.
Përse nuk ndryshon masa për Berishën dhe përse nuk ndalohen personat që kanë takuar një të arrestuar pa lejen e prokurorisë?
Mirë thotë Saliu SPAKU si Aspaku që po tallet me shqiptarët duhet tu vijë radha dhe atyre të dalin para drejtësisë për shpërdorim detyre, si gjithë zyrtarët e akuzuar nga ajo vetë, që me prova dhe fakte nuk zbaton vendimet e gjykatës duke u tallur me ligjin, me një nen të sajuar…arrest shtëpije mund të quhet edhe ndërrim selie. /Ekskluzive.al