Fatmirësisht avokati dhe pedagogu Sokol Mëngjesi e kaloi rrezikun për jetën dhe i është rikthyer jetës normale.
Përfaqësuesi i tij ligjor kërkoi dje në procesin që po zhvillohet ndaj personit të akuzuar për urdhërimin e dhunës ndaj tij, Dritan Nanos, që zoti Mëngjesi kërkon lirimin e tij nga qelia, për shkak të normalizimit të marrëdhënieve me të.
Avokati Sokol Mëngjesi njëkohësisht ishte edhe përfaqësuesi ligjor i Sali Berishës dhe ditën që u dhunua dhe në vijim, jo vetëm Berisha, por edhe të gjithë njerëzit rreth tij, akuzuan drejtpërdrejt Edi Ramën për dhunën e ushtruar ndaj Sokol Mëngjesit vetëm se ishte përfaqësuesi ligjor i Berishës.
Mjafton të shohësh deklaratat e asaj periudhe të Berishës dhe kush e ka harruar, do t’i rifresoket kujtesa.
Tani që zoti Mëngjesi është mirë me shëndet dhe i është rikthyer jetës normale, pyetja që shtrohet për të është: A është dakort me akuzat e Berishës ndaj Edi Ramës në drejtimin e tij?
A fshihet Edi Rama dhe pushteti në goditjen e tij për shkak të mbrojtjes ligjore të Sali Berishës?
Nëse zoti Mëngjesi nuk i lexon këto rreshta, do ishte mirë që ndonjë prej gazetarëve në media t’ia drejtonte.
Kjo nuk tregon gjë për zotin Mëngjesi, por për retorikën acide të Berishës, që në gjitha rastet e ka një alibi të gënjeshtërt.