U prangos, kur ishte Drejtor i Pronave të Tiranës, por pas daljes nga burgu, ministrat e Drejtësisë Ylli Manjani e Petrit Vasili e emëruan dhe e mbajtën Drejtor Kabineti, ndërsa Ilir Metaj e ka emëruar Këshilltar Presidence, për Reformën në Drejtësi, “Veting’-un, Çështjet Ligjore, Administratën Publike dhe të Drejtat e Njeriut, por dhe me Statusin: “Përfaqësues i Presidentit të Republikës, në mbledhjet e Institucioneve shqiptare dhe takimet e agjencive anti-krim të SHBA-BE
Megjithëse prokuroria dhe policia, në bashkëpunim me SHBA-BE, kanë nisur një aksion të gjerë goditës anti-krim e anti-korrupsion, në administratën publike dhe bazat e krimit që kanë lidhje me shtetin, mos u çuditni, por në kupolën e shtetit, vazhdojnë të jenë në fuksione të larta, persona të dënuar me burg, për korrupsion e vjedhje të pasurive kombëtare.
Një prej tyre, nuk qëndron i struktur brenda ndonjë zyre periferike, por del publikisht, mbasi është funksionar në nivelet e larta shtetërore, si përfaqësues i Presidentit të Republikës, Ilir Metaj, përzgjedhur dhe emëruar prej tij, në detyrën e Këshilltarit për Reformën në Drejtësi, “Veting’-un, Çështjet Ligjore, Administratën Publike dhe të Drejtat e Njeriut, por dhe me Statusin, si përfaqësues i Presidentit të Republikës, në mbledhjet e Institucioneve shqiptare dhe takimet diplomatike brenda e jashtë Shqipërisë.
Ky zyrtar quhet Bledar Dervishaj, me funksion Këshilltar i Presidentit, për problemet e drejtësisë, përzgjedhur nga vetë presidenti Ilir Metaj, megjithëse e dinte dhe e di shumë mirë, që është dënuar me burg nga drejtësia shqiptare e të gjithë niveleve, proceduar me Dosje Penale nr. 3728, datë 13.09.2011 të Prokurorisë Tiranë, për krimet “korrupsion pasiv të personave që ushtrojnë funksione publike” dhe “shpërdorimi të detyrës” dhe është lënë në burg, me Vendim nr. 34, datë 11.01.2012, të Gjykatës Tiranë.
Pas daljes nga burgu, në dhjetor 2013, me urdhër të Ilir Metajt, Ministri i Drejtësië Ylli Manjani e emëroi ish-drejtor hajdutin Bledar Dervishajn, Këshilltar Ligjor dhe pas 4 muajsh e gradoi Drejtor Kabineti të kësaj ministrie, fuksion të cilin, ai e mbajti deri në vitin 2017, kur Presidenti Ilir Metaj e emëroi Këshilltar Ligjor në kabinetin e tij.
Tani, ish-i dënuari me burg nga drejtësia, për abuzime me detyrën, vazhdon të jetë Këshilltar Drejtësie, i Presidentit të Republikës, fakt që përbën, një skandal të rëndë shtetëror në momentet e reformës në drejtësi e në politikë që e drejton vetë presidenti.
Ky nuk është rasti i parë, që Ilir Metaj, krijon staf me hajdutë të dënuar me burg dhe me kriminelë e trafikantë persona në kërkim ndërkombëtar, siç ishte rasti i emërimit prej tij, të Almir Rrapos, në detyrën Krye-këshilltar, kur presidenti Metaj, ishte Ministër i Jashtëm
Por skandal akoma më të rëndë, përbën fakti, që ky këshilltar burgaxhi është caktuar në Protokollin Zyrtar të Presidencës, si përfaqësues fuqiplotë i Presidentit, në mbledhjet e KLD, SHISH, Qeverisë, Kryesisë së Kuvendit, ONM, KPA, Ministrisë Drejtësisë, Gjykatës së lartë, Prokurorisë së Përgjithshme, Këshillit të Sigurisë Kombëtare e deri në takimet e punës, me përfaqësitë diplomatike brenda e jashtë vendit, si dhe me strukturat e larta anti-krim, të SHBA-BE.
Është çudi, që fill pas burgut për vjedhje e faslfikim dokumentash zyrtare, Bledar Dervishaj, ka ngjitur majat në kupolën e Ministrisë së Drejtësisë, madje duke pasur paralelisht edhe detyra të tjera publike, të cilat janë sa vijon:
Anëtar i Këshillit Drejtues në Shkollën e Magjistraturës
Anëtar i Bordit të Zyrës së Regjistrimit të Pasurive të Paluajtshme
Anëtar i Këshillit Drejtues të Shërbimit Përmbarimor Gjyqësor Shtetëror
Përfaqësues i Shqipërisë, në Komitetin e Konventës së Krimit Kibernetik pranë Këshillit të Europës
Drejtor i Projektit të Binjakëzimit të Bashkimit Evropian “Përmirësimi i Shërbimit Përmbarimor në Shqipëri”
Përfaqësues i Ministritë të Drejtësisë, në Këshillin e Bashkëpunimit Rajonal (RÇ), për Planin Rajonal të Veprimit, në luftën kundër korrupsionit dhe refemimin e sistemit gjyqësor./Pamfleti