Bujar Nishani e ka konsideruar 13 qershorin një datë për të kthyer normalitetin në Partinë Demokratike dhe jo një përplasje inati.
I pranishëm në Gjirokastër, në një takim të grupit për PD-në, Nishani tha se ai është ndjerë i lënduar sepse Basha më shumë se kushdo e dinte që ai iku nga detyra e Presidentit përtu angazhuar në PD.
Nishani shtoi më tej se ia ka bërë të qartë Bashës se nuk është për karrige e se fytyrën e faqen e tij nuk ia jep të birit e jo më kryedemokratit.
“Jam lënduar, jam ndjerë i lënduar nga Basha. Ai më shumë se askush, i di fare mirë arsyet e angazhimit tim personal pasi ika nga detyra e Presidentit.
Kur më kërkoi të merrja detyrën i kam thënë se Nishani është ai që ka qenë, s’kam nevojë për karrige. Unë karrigen e kisha më të madhe.
Faqen dhe fytyrën time s’ja jap askujt as tim biri jo Bashës. Kam pasur një bindje se mund t’i shërbeja PD-së si një avokati publike.
Pas marrëveshjes së 5-qershorit kur ra dakord për ndryshimet në kod, ju kanë thënë të gjithë në kryesinë e PD-së:
Duhet të keni parasysh diçka që deri kur Rama të jetë në kryeministri do të bëjë procese mashtrimi, s’do kurohet ndonjëherë,”- tha Nishani.
Më as fjalën e mori Edvin Kulluri, i cili komentoi dhe faktin që Basha nuk ka pranuar të dalë në debat publik me kandidaten tjetër, Edith Harxhin.
“Shqipëria, demokratët kanë qëndruar në këmbë përballë komunistëve. Kemi pasur luftra të egra përpara, Ramiz Alinë, Edi Ramën. Paskemi frikë nga një debat sot….po ç’ëshë kjo?”- tha Kulluri më tej.