Nga Sali Berisha, te Ilir Meta dhe Basha e Kryemadhi, i kanë treguar çdo shqiptari ndjenjën e tyre antishqiptare
Politika shqiptare ka thelluar përçarjen pas ngjarjes së bujshme të vrasjes së ekstremistit grek në Bularat të Gjirokastrës, duke turpëruar edhe njëherë Shqipërinë në sytë e Evropës. Një pjesë e madhe e politikës, deri te kokat më të larta drejtuese, kanë dalë turpshëm në krah të Greqisë, duke akuzuar dhe sulmuar hapur policinë shqiptare.
Nga lideri histori i Partisë Demokratike, Sali Berisha, te Presidenti Ilir Meta dhe krerët e opozitës, i kanë treguar çdo shqiptari ndjenjën e tyre antishqiptare. Politikanët antishqiptarë, të cilëve po ju ngushtohet laku dita-ditës, për shkak të skandaleve dhe shkatërrimit të vendit me krime e korrupsion masiv, i kanë treguar botës mbarë se kërkojnë me çdo kusht destabilizimin e Shqipërisë dhe degradimin total të saj.
Disa prej këtyre kokave antishqiptare dolën me deklarata publike kundër shqiptarëve, ndërsa disa të tjerë me heshtje ose vendime të paprecedenta. I tillë ishte vendimi i Presidentit Ilir Meta, i cili nuk pranoi të dekretojë ministrin e ri të Brendshëm, Sandër Lleshi, duke lënë vendin të pa siguruar, pa ministër dhe në ‘tytën e kallashnikovit’. Antishqiptare është edhe heshtja e turpshme e kryetares së LSI, Monika Kryemadhi, e cila deri më tani nuk ka thënë asnjë fjalë për ngjarjen, që bëri bujë të madhe brenda dhe jashtë kufijve.
Nga ana tjetër, treguan hapur urrejtjen e tyre ndaj Shqipërisë Sali Berisha, Vangjel Dule, Lulzim Basha, e së fundi, deputeti i LSI, Vangjel Tavo. ‘Pamfleti’ ju risjell edhe njëherë në kujtesë deklaratat e tyre tronditëse kundër shqiptarëve.
Sali Berisha: Duke denuar disa reagime zyrtare te Athines por edhe te Tiranes, qe duan te perdorin rastin per qellime politike, konsideroj te nevojshme nje hetim te plote dhe transparent te kesaj ngjarje.
Lulzim Basha: Bashkëqeverisja e Ramës me krimin është fakt. Bashkëpunimi me krimin për blerje votash është i provuar. Rama nuk ka asnjë shans të mbrojë as veten e as ministrat, ish ministrat, deputetët e kryebashkiakët kriminelë nga përballja me drejtësinë e vërtetë. Nuk i ka mbetur gjë tjetër veçse të flasë përçart, duke sulmuar me gjuhë banditi ish kryeministrin, me shpresën e kotë se mund ta zhvendosë sadopak vëmendjen e mund të fitojë pak kohë për të mbyllur skandalin e radhës. Turpi kombëtar ka emrin dhe fytyrën e tij!
Vangjel Dule, kryetar i PDBNJ: Theksoj thirrjen tonë për gjakftohtësi dhe vendosmëri se kjo çështje duhet zbardhur në të gjitha detajet e saj, me gjithë transparencën e mundshme. Ka shumë pikëpyetje që e bëjnë atë edhe më delikate. Sigurisht që policia e ka vënë vetë në pikëpyetje operacionin e saj të djeshëm, duhet të jemi të ndërgjegjshëm.
Vangjel Tavo: Kacifas nuk donte të vriste njeri. Nuk di cfarë të them… Të vetmen gjë që dua bëj thirrje të vijë trupi i djalit në shtëpi. Sa më shpejt./Pamfleti