Për herë të parë në Selanik janë dëgjuar në një prej teatrove të qytetit këngët e bukura lirike , këngët patriotike, ato të dashurisë , këngët për vendlindjen dhe këngët popullore shqiptare të korit karakteristik Lira.
Dhjetëra emigrantë kryesisht nga qyteti i Korçës, por edhe nga krahina të tjera të Shqipërisë, miq e dashamirës grekë kanë mbushur sallën e tetarit Aneton duke kënduar bashkë me pjesëtarët e korit 100 vjeçar , krenaria e Korçës dhe e Shqipërisë.
Ishte një përgjigje e ftesës së korit grek Armonia të Selanikut pas koncertit të tij në Korçë dhe bashkëpunimi mes dy bashkive të dy qyteteve bëri të mundur këtë koncert kaq të bukur.
Të pranishëm kanë qenë edhe konsullja e përgjithshme e Shqipërisë Erida Dobrushi dhe deputetë të rrethit të Korçës. Për më shumë se 1 orë , 33 instrumentistë, koristë dhe solistë të korit Lira kanë kënduar këngët shqiptare të njohur nga të gjithë.
Por në repertor kishte edhe pjesë nga këngët dhe muzika e mrekullueshme e kompozitorit të shquar grek Mikis Theodhorakis që kanë marrë edhe duartrokitjet e publikut.