Në emër të atdheut vranë, në emër të atdheut vodhën, në emër të atdheut plaçkitën, në emër të atdheut bën karrierë, në emër të atdheut ishin përjashtues, në emër të atdheut folën.
Atdheun e kufizuan tek vetje e tyre, besuan se ata ishin atdheu dhe se kushdo tjetër nuk e meriton këtë atdhe. Në vend që përpjekjet e tyre t’i vënë në shërbim të atdheut, e vunë atdheun në shërbim të interesave të tyre.
Kur u mbush kupa me poshtërim, kur zullumi arriti kulmin, kur të tjerët u zemëruan me atdheun dhe e shpallën armikun e tyre, e shkelën me këmbë, e dogjën, ia pështynë simbolet dhe fytyrën, sigurisht në çaste zemërimi dhe irritimi…
Atëherë, avokatët e atdheut u rebeluan kundër fyerjes dhe kundër përdhosjes së atdheut, por harruan se ishin ata që e kishin shndërruar atdheun në një lugat, të cilit i trembeshin disa dhe donin ta heqin qafe dhe shfarosin ca të tjerë, për hir të paqes dhe të jetës pa atdhe. /Nga Omar Muhamed Al Amoudi